Madu Yesu A Hkum Hte Sai Poi Laban, Madu Yesu A Hkum Hte Sai Poi Laban

Madu Yesu A Hkum Hte Sai Poi Laban

( Karai Kasang a Mungga ) Madu Yesu A Hkum Hte Sai Poi Laban

Mk 14:22 shanhte shat sha nga ma yang, shi muk hpe la nna shaman ya nhtawm ahkyep alep di nna, shanhte hpe jaw let, la mu ndai gaw nye a hkum rai nga li ai..

Tsawra ai nu wa hpu nau ni AD 1330 ram hta Italy mungdan Cascia hta Jau langai gaw machyi ai masha hpe Chyoi Pra Hkum jaw na matu shaga hkrum ai shaloi lawan ladan tin tin rai nna, Chyoi Pra Hkum hpe atsawm nbang lang  ai sha shi a akyu hpyi laika buk hta matep bang nna la sa wa ai... machyi ai wa a nta kaw du ai shaloi kyu hpyi laika buk hpe hpaw dat yang mau hpa lam byin lam byin nga ai hpe mu lu dat  ai dai gaw..dai Chyoi Pra Hkum ntsa e Sai pru taw nga ai lam rai nga ai..grau nna mau na zawn re ai lam gaw dai Muk hte Sai a ntsa e Madu Yesu a myi man dan dawng taw nga ai lam rai nga ai..bai daini na ten du hkra mung ya na zawn  lamik kumla hku nna nga taw ai Chyoi Pra Hkum gaw hten za ai lam n nga ai sha myi na raw rai dai hku naw nga taw nga ai lam rai nga ai...

Ya sha tsun lai mat ai mabyin garai nbyin shi yang de a shawng ngu na shaning manga tsa  AD 18 ram hta e, Italy Mungdan Lanciano kaw Jau langai Missa galaw nga yang Chyoi Pra Muk gaw shaman dat ai shaloi Madu Yesu a Hkum hte Sai ajet de galai shai mat wa ai lam re hpe shi a myit hta nhten ai ung ang  nga ai let, akyu ga tsun hte shaman dat ai shaloi kaja wa Chyoi Pra muk gaw Madu Yesu a shan de galai shai mat ai hte sabyi ntsi mung kaja wa sai ajet de galai shai mat ai hpe mau hpa hku nna mu lai wa ai lam rai nga ai..dai zawn galai shai mat sai shan hte sai hpe 1970 du ai ten hta hpaji ninghkring Ordonadolin kawn Madu yesu a shan hte sai ngu ai hpe sawk sagawn jep yu na ahkang lu nna ga lajang sawk sagawn nna mahtai tam dat ai shaloi... pru wa ai mahtai gaw kaja wa masha langai a shan ajet hte Sai ajet rai nga ai nga nna tsun lai wa ai..daini na ten du hkra mung mau hpa lamik kumla hku na naw nga nga ai..sarawin wa tsun ai gaw grau nna mau na zawn re ai lam gaw dai shan gaw la shabrang langai a salum shan nan rai nga ai lam rai nga ai...nga nna e tsun lai wa ai...

Chyoi pra hkum sacramentu hte seng nna mau hpa lamik kumla ni gaw grai law la nga ai..Tsawra ai nu wa hpu nau ni chyoi pra hkum a lam hte seng nna hkaja sana nga yang daw lahkawng hku garan nna hkaja mai nga ai..lanagai hta gaw chyoi pra hkum sacramentu  lahkawng hku na missa

 hkungga nawng jau ai lam rai nga ai..

shawng nnan chyoi pra hkum a lam hpe shawng yu yu ga ...tsawra ai nu wa hpu nau ni chyoi pra hkum sacramentu chyeju kumla ngu ai gaw madu yesu hkum nan muk hte sabyi ntsin a ahpraw nsam npu e shanu nga nna masha shan masha shai... masha wenyi ....bai karai kasang hku na  kaja wa teng teng shanu nga ai lam hpe tsun ai rai nga ai...lam mi hku tsun ga nga yang madu yesu gaw shinggyim masha ni hpe hkyehkrang la mayu ai myit a majaw masha hkum hkrang hpe sa dagraw hkam la ai lam rai nga ai..bai masha ni hte rau pawng hpawm lu na matu bai shinggyim masha ni mung karai kasang hte pawng hpawm lu na matu hpang jahtum gaw masha ni shi a hkum hpe sha lu na de du hkra yu sa nna  shi a hkum hpe muk hte sabyi ntsin a ahpraw nsam npu e shanu shabyi let nga ai..ndai gaw anhte shinggyim masha ni hpe grai tsawra ai majaw rai nga ai hte shi a shagrit shanem ai lam mung rai nga ai..

Tsawra ai nu wa hpu nau ni karai kasang hpan tawn da ai..mungkan shingra tara hta e arung arai ni gaw madang tsaw nga ai hte asak hkrung wa lu na matu tsaw ai lam ni hte pawng hpawm ra nga ai...dai zawn tsaw ai lam ni hte pawng hpawm ai a marang e nyem dik ni gaw tsaw wa lu ai mung rai nga ai...ga shadawn ga hta nga ai ga sau ni gaw shanhte htan madang shachyaw hkrang tsaw ai hpun ni a chyup sha ai hpe hkrum nna ga sau ngu ai kaw na hpun ngu ai hta shang lawm wa ai a majaw hpun a tsit lali ai hpun lap apu asi ni hku nna madang tsaw ai de galai shai lu nga ai..dai zawn tsit lali tsawm htap nga ai hpun hpe shi htan madang tsaw ai du sat ni lusha ai hpe hkrum ai ten tsawm htap nga ai nam pu nampan nam si hpun lap ni kawn du sat a hkum hkrang kata hta e shang lawm wa lu ai rai nga ai... bai nna e du sat ni htan madang grau tsaw ai shinggyim masha ni gaw sat nna shadu sha kau dat yang masha a hkum masha a baw nu nyan marai ni myit  mang chye ai..lam ni hta madang tsaw ai hte shang lawm wa lu ai rai nga ai...

Tsawra ai nu wa hpu nau ni weny rawng ai shinggyim masha gaw nat tsa dan hte pawng hpawm yang grit nem  ai masha tai na re..karai kasang hpe lata la nna chyoi pra hkum hpe man man hkam la ai nga yang sumsing lamu na du sa wa ai madu yesu a karai kasang ngu na lam hta madang tsaw ai hte shang lawm wa lu na teng rai nga ai...dai majaw chyoi pra hkum hpe kam sham myit kaba hte hkam la ai lam gaw ahkyak nga ai.. yawhan 6: 53-54 dai rai nna yesu gaw ngai nanhte hpe kaja wa teng teng tsun made ga masha kasha ashan nanhte n sha shi a asai hoe mung n lu myit yang gaw nanhte hta asak nrawng lu ai..nye a ashan sha nna nye a asai lu ai wa gaw htani htana asak lu la na nu ai..dai wa hpe hpang jahtum na nhtoi hta ngai bai sharawt la na we ai..

Tsawra ai nu hpu nau ni nat tsa dan a lam hpe lata la nna mara kaba tawt lai shut hpyit ai ni gaw chyoi pra hkum hpe nmai hkam nga ai..1cor 11:27-29 hta dai rai nna kadai raitim mung n ging n dan ai hte dai madu a muk sha nna gawm hta na lu a yang gaw dai madu a hkum hte asai hpe shaut kau da wu ai..dai majaw kadai wa mung tinang hkum hpe san dinglik yu nhtawm dai muk hpe sha u ga dai gawm jta na mung lu u ga.

dai majaw mara kaba nga taw ai nga yang chyoi pra hkum hpe garai nhkam la shi yang mara raw sacramentu hpe shawng hkam la ra nga ai..

lahkawng hku nna missa hkungga nawng jau ai lam rai nga ai...

missa hkungga nawngjau ai ngu ai gaw hpa rai ta..missa hkungga nawng jau ai ngu ai gaw nawng jau na tawn hkungri ntsa na muk hte sabyi ntsin a ahpraw nsam npu e shanu nga ai Madu yesu a hkum hte sai hpe si ai hte hkrung ai ni yawng a matu kawa karai kasang hpe nawng jau ai lam rai nga ai..lam mi hku tsun ga nga yang shani shagu anhte galaw ai nam pan htu ai hpayawng deng shatu shachyi ai..alu ja gumhpraw jaw bang ai..tinang hkum sak jaw ai hte mai kaja  magam bungli galaw ai lam ni mahkra gaw karai kasang hpe madu hkristu hte rau missa hkungga nawng jau ai hta shang lawm nawng jau yang she lam mahkra gaw karai kasang hpang de du ai rai nga ai..

dai majaw missa hkungga nawng jau ai hta shang lawm ai lam gaw anhte a matu  n nga n mai grai ahkyak lam rai nga ai.

Tsawra ai nu wa hpu nau ni Madu hkristu gaw sumsing lamu de garai n lung mat shi yang lamik kumla law law madun dan lai wa sai rai nga ai..machyi ai ni hpe shamai ya ai..manggang ana kap ai ni  hkum katsing si. myi n mu ai na n na ai ni.. nat kap hkrum ai ni... si ai ni mahkra hpe asak jaw shamai shatsai ya lai wa ai rai nga ai..yawhan 2:1-11 hta e madu yesu shawng ning nan madun dan lai wa ai lamik kumla gaw canan mare na num hkungran poi hta hka hpe sabyi ntsin shatai kau ya ai lam rai nga ai..yawhan 6: 1-13hta gaw muk tawng manga hte nga lahkawng hpe shaman shalaw nna masha marai hkring manga hpe jaw sha lai wa ai rai nga ai..daw chyen ahkyep alep ni hpe mahkawng chyawm dat ai shaloi mung tawng shi lahkawng tup bai lu la ai lam tsun da ai hpe mu lu ai..Mtt 15:35-38 hta muk tawng sanit hte nga loi mi hpe la nna masha marai hkying mali hpe jaw sha lai wa ai dai hta mung mung tawng sanit bai lu la ai lam tsun da ai hpe mu lu ai...mtt 26:26-29,mk 14:22- 25, lk 22:17-20,1cor 11: 23-34 ndai jachyum mungga ni hta madu yesu gaw shi a kasa shi lahkawng hte rau hpang jahtum na daw sha poi hta e muk hte sabyi ntsin ni hpe hpung dagu atsam hte shi a hkum hte sai hku galai shai kau ya nna kasa ni hpe hkam la shangun lai wa ai...ngai hpe adum nga na matu.ndai galaw mu. tsun mayu ai gaw shani shagu na missa hkungga nawng jau nna e chyoi pra hkum rai nga ai shi a hkum hpe hkam la nna shani shagu shi madu hte rau pawng hpawm nga na matu gaw de lajang da ya lai wa ai mung rai nga ai...

Tsawra ai nu wa hpu nau ni hpang jahtum na daw sha poi hta byin lai wa ai lam hpe daini na ten hta shani shagu missa hkungga nawng jau ai ten htavlang ai muk hte sabyi ntsi ni gaw jau ni kawn akyu hpyi ga ni hte tsun shaman dat ai shaloi karai kasang a hkum sai shan hku nna galai shai mat ai rai nga ai...

Shawng ningnan na missa hkungga hpe hkye la madu yesu gaw shi garai n si shi yawng shawng shana ngu na hpang jahtum na daw sha poi hta nawng jau lai wa ai rai nga ai...dai zawn nawng jawng ai lam hpe matut nna mungkan masha ni a mara dan hkam na matu madu yesu gaw udang ntsa e asak si hkam nna kawa karai kasang hpe shi a asak nawng jau ai ya na zawn shi a si hkam  ai lam mung tengman ai lam rai nga ai... hpang jahtum na daw sha poi hte kalawari kawng ntsa na nawng jau ai lam ni hpe Madu yesu a ahkaw ahkang hte nawku hpung gaw mungkan jut shara shagu hta Jau ni kawn matut nna e missa hkungga nawng jau nga ai rai nga ai..ndai lam hpe malahki 1: 11 hta mung mu lu nga ai.

Karai kasang gaw shinggyim masha ni mara raw dat hkrum na matu ga shaka dingsa prat ting hta e du sat ni hpe sat nna nawng jau ai lam hpe jahkring kau nna karai kasang hpe karai kasang a nawng jau ai hkrang hte nawng jau na matu madu yesu hpe shinggyim hkum hkrang sa dagraw hkam la shangun nna nawng jau shangun lai wa ai rai nga ai..1 tim 2:5-6 hta karai kasang yawng hpe shaman ya u ga.. 

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw shaning B a paska ladaw kru  rai nga ai hti ang ai ja chyum mungga ni gaw chyum mungga daw langai Langai ngu na..pru mat wa ai laika 24:3-8 chyum mungga daw lahkawng hebre laika 9:11-15 kabu gara shiga Mk 14: 12-16,22-26  Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law.