Pranwan Ladaw Laban ( XIV ), B Shaning, 2024

14th of Ordinary Sunday Homily

 

INTRODUCTION

Hkristu hta Tsawra ai nu/wa hpu nau ni e, ndai laban gaw shaning B a Pran wan ladaw laban (14) rai nga ai. Na la lu na chyum mungga daw (I); Ezekiel laika hta “Karai Kasang gaw Myihtoi Ezekiel hpe Shi a ga n madat ai Israel amyu sha ni hpe htaw tsun sakse hkam na matu shaga la ai” ngu nna; Myihtoi Ezekiel a shaga ai lam hpe na la lu na rai nga ai. Chyum mungga daw (II); San Paulu Corintu hpung masha ni hpe shangun dat ai laika hta gaw “Karai Kasang a shaman chyeju gaw anhte ni ntsa ram nga ai” ngu nna shadum ninggun jaw da ai lam hpe na la lu na rai nga ai. Marku a Kabu gara shiga hta gaw “Madu Yesu gaw shi a amyu sha ni makam masham ningra wa ai hpe mu nna mau ai hte mauhpa lamik kumla law law n lu galaw dan lai wa ai lam hpe na la lu na rai nga ai”.

Short Story About David & Goliath (1 Sam 21: 1-9)

anhte yawng chye ai Ga shaka dingsa na karai kasang a ga hpe madat hkap lai wa ai nna awng dang lam hpe lu la ai.. maumwi kadun hpe shawng madat la ga. Kalang mi hta Israel hpyen la ni hte Philistines hpyen la ni gaw Sokoh hte Azekah lapran shara hta majan byin ai. dai hta e Israela myu sha ni law law hkrat sum mat ai. Hpa majaw nga yang Pelistine hpyen hpung hta majan ning tawn ai Gawliya ngu ai wa lawm ai majaw rai nga ai. Dai majaw Pelistine ni gaw Israela hpyen la ni hpe shanhte hkam hpa ai Gawliya hte kasat na matu (challenge) galaw ai. Raitimung, Israel amyu sha ni gaw dai (giant) Gawliya hte kasat na matu hkrit ai majaw, shanhte a hpyen dap kaw nna pi n le ngwi ai rai nga ai. Dai aten hta David gaw asak naw kaji ai hte sawlu Hkawhkam a shangun ma sha naw rai nga ai. Shi gaw majan hpaji mung nchye ai wa rai nga ai. Raitimung, shi gaw dai (giant) Gawliya hpe kasat na matu Hkawkam Saulu hpe ahkang hpyi ai. Saulu mung shi hpe (amour hte good sword) jaw ai. David gaw gasat rai ni hpe nla ai sha K.K hpe kam sham let shi sagu ni hpe yu ai shaloi lang ai (Slang) hpe lang nna, majan share ninghkring Gawliya hpe kasat dang kau nna, Israela amyu sha ni hpe Pelistine hpyen hpung ni a lata kaw na hkye la lai wa sai rai nga ai. Tsun mayu ai hta  K.K hpe kam sham ai lam gaw anhte a prat hta awng dam lam a ningpawt rai ai hpe David gaw shi a prat hte anhte hpe sakse tai lai wa sai rai nga ai. 

mungga hte lakap nna shawng nnan hku na garan kachyan mayu ai..

 

(I) Anhte a hku hkau ai lam gaw makam masham rawt jat galu kaba na matu karai kasang a mungga hpe numdaw numdan (obstacle) n byin shangun u ga! Don’t our familiarity make obstacle to God’s Word!

“Faith is the first step even everything seems hopeless” ngu ai ga malai langai mi nga ai. Madu Yesu shamai shatsai ai lam galaw ai shaloi, “Na a kamsham ai gaw nang hpe hkyela nit dai” ngu ai ga si hpe law law lang tsun lang ai hpe mu lu ga ai. Ga shadawn, Luka laika (17; 19, 18; 42) hta Madu Yesu gaw manggang kap ai masha langai hte myikyaw ai masha langai hpe shamai shatsai ya ai shaloi dai ga si hpe lang ai rai nga ai. Ndai bat na la lu ai kabu gara shiga hta gaw “shi K.K a mungga hkaw tsun ai; shi galaw dan ai lam hpe mu let; na let, N kam ai shi a buga masha ni hpe shi mau nga ai” lam rai nga ai. Hpa majaw shi hpe nkam ai i? ngu nna myit yu ai shaloi “Familiarity” ngu ai a majaw mung mai byin ai. Anhte ni mung anhte ni hte arau nga kaba wa ai masha; shi a hkun dinghku lam hpe chye ai; shi a nga sat nga sa lam ni hpe chye ai rai yang gaw dai masha kade ram ai rai timung shi hpe hkungga na; shi hpe kam na matu n loi nga ai. Dai zawn sha re; Madu Yesu nga kaba wa ai buga masha ni gaw Madu Yesu hpe chye ai ni rai nga ai. Dai mabyin hpe yu ai shaloi, anhte a “Familiarity” gaw K.K a mungga hpe madat hkam la na matu (obstacle) byin chye ai lam hpe shadum ya ai rai nga ai. Ga shadawn, jau langai mi tara hkaw ai ngu ga; shi a lam hpe nang atsawm sha chye ai; dai shaloi, “ shi hkaw ai hte nga sa ai lam gaw kaga ga rai nga ai” ngu nna myit la chye ai; tsun chye wa ai. Dai jau hpe chye ai majaw K.K a mungga kade mi kaja tim n na sai. Tsun mayu gaw jau a lam hpe chye ai raitimung shi hkaw tsun ai Karai Kasang a mungga hpe mu hkra na hkra madat la ra ai hpe mungga hkru nna anhte hpe sharing ya nga ai.

(II) Karai Kasang gaw nang ngai hpe Myihtoi tai na matu shaga ai! (God calls you to be a prophet in your family or in your environment)

Myihtoi ni ngu ai gaw Karai Kasang laksan shaga la hkum ai masha ni hta na alak mi  lata hkrum ai masha rai nga ai. Shi a bungli gaw K.K tsun shadum ai ga hpe karai kasang a amyu sha ni hpe hkaw tsun sakse hkam na matu hte “morality” sharin shaga ya na matu rai nga ai. bai myit htoi ni gaw K.K shaga da sai hte maren, K. Kasang hpe kam sham let, masha ni nju ndawng tim “tengman ai tara” hpe hkaw tsun ai masha ni rai nga ma ai. Masha ni myit ra ai hku hkaw tsun ai ni n rai nga ai. Karai Kasang myit ra ai, Karai Kasang tsun sha ngun ai ga ni hpe sha hkaw tsun ma ai. Dai majaw, myihtoi langai mi tai wa na matu gaw loi ai i nga yang n loi nga ai. Chyum mungga daw (I) hta rawng ai Myihtoi Ezekiel a sha ga la ai lam hpe yu yang Karai Kasang gaw Myihtoi Ezekiel hpe “Myitsu ai; sum nung ai; madu karai kasang hpe kam sham ai; madu a ga madat ai ni hpe woi awn sharin sha ga na matu, ngai nang hpe sha ga la sai yaw” ngu nna n tsun da ai. “Baw ja, du ja ai hte ngai hpe gumlau ai Israel amyu sha ni hpe woi awn sharin sha ga na matu she ngai nang hpe  lata la ai” ngu nna tsun ai rai nga ai. Baw ja, du ja ai amyu sha ni hpe sharin shaga na rai yang gaw dakreng hkat ai lam ni law law hkum katut na rai nga ai.

Dai majaw, Myihtoi Jonah gaw “Nineweh mare de sa sha ngun ai shaloi, masha ni shi hpe zingri zingrat/ ning hkap na hpe hkrit ai majaw hprawng hkawm ai” rai nga ai. Dai hta grau nna, 1 kings 19; 1-4 hta Myihtoi Elijah gaw Carmel bum ntsa e Baal nat naw ai ni hpe shing jawng dang kaw ai majaw, hkawkam jan Jezebel gaw shi hpe nju ndawng wa ai rai nga ai. Shi hpe jam jau lam amyu myu jaw ai hte shi a asak hpe jam jau jaw wa ai majaw hprawng hkawm lai wa sai lam hpe mu chye lu ai. shi gaw Madu Yesu hpe “Yu mu Mungkan mara ra kau ai Madu rai nga ai” ngu nna masha ni hpe shachyen ya ai Myihtoi kaba mung rai; hpang jahtum na Myihtoi mung rai nga ai Yawhan Baptista mung “Tengman ai lam hpe tsun shadum ai majaw, du tawk hkum sai” rai nga ai.

Dai majaw Myihtoi ni a prat hpe yu ai shaloi, shanhte ni gaw Karai Kasang a tara; teng man ai lam hpe hkaw tsun sakse hkam ai a majaw (1) “Rejection” ngu ai masha ni a ninghkap ai/ ningdang kau ai lam ni hte (2) “Persecution” ngu ai masha ni a zingri zingrat ai amyu myu hpe hkrum sha lai wa ai ni rai hkrai rai nga ma ai. Jam jau lam ni amyu myu hkum timung teng man ai lam hpe hkaw tsun sakse hkam let Karai Kasang jaw ai a prat hpe akyu rawng ai hku nga lai wa sai. Karai Kasang a mungdan gaw shanhte ni a matu gaw teng sha rai na re. anhte ni nlu shang yang kade ni shang na i? Myihtoi ni zawn, anhte ni yawng hpe mung tinang a magau grup yin, tinang a kun dinghku ni hta Karai Kasang a mungga hkaw tsun sakse hkam ai ni tai na matu; teng man ai tara hpe sharin shaga na matu, nang ngai yawng hpe saw shaga taw nga ai. Myihtoi ni zawn, yak hkrat jam jau lam ni amyu myu hkum na re, rai timung Karai Kasang hpe kam u, shaloi, masha ni n mai byin ai ngu shadu da ai David zawn Gawliya hpe dang kau lu na ra ai. Karai Kasang hpe kam sham ai majaw Israel amyu sha ni gaw hka panglai kaba hpe rap nna Egutu masha ni a mayam prat kaw na lawt wa lu ai rai nga ai.

San Paulu hpe Karai Kasang tsun da ai ga sadi hpe kam ra ai. Shi jaw ai ga sadi gaw anhte a matu kabu gara shiga rai nga ai. Shani shagu shi jaw nga ai Kabu gara shiga gaw “Nye a chyeju gaw na a matu ram nga ai; masha a gawngkya ai hta nye a n-gun atsam hkum tsup nga ai” nga nna tsun da ai hpe mu lu ai..

 

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ..shilahkawng ... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..Ezekiel a laika 2: 2-5  .chyum mungga daw lahkawng kawrintu hpung masha ni hpang de san paulu shagun dat ai laika lahkawng  12: 7-10 kabu gara shiga Marku 6: 1-6

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law

 

Add new comment

3 + 2 =