Pranwan Ladaw Laban ( XIII ),B Shaning, 2024

Pranwan Ladaw Laban ( XIII )

( Karai Kasang a Mungga ) B Shaning, 2024

Tsawra ai nu wa hpu nau ni mabyin lam langai mi tsun dan mayu ai...makam.masham hten mat ai tsi sarawun langai a lam rai nga ai shi gaw makam n nga mat tim, shi a tsi tsi ya ai lam.hta gaw grai mying kaba ai tsi sarawun langai naw rai nga ai.. shi  ya na zawn mau hpa hku rai tsi tsi shamai ya lu ai a majaw mying kaba wa ai  sha n ga, mying kaba wa ai hpe arawng la nga ai wa mung rai nga ai. Tsi sarawun gaw lani mi na nhtoi hta nmyit mada ai sha san pra ai masha Don Bosco hte hkrum na ahkang lu la ai... dai majaw san Don Bosco nga ai jawng wang de sa nna, shi a jawng  shawng kaw du ai shaloi, shi gaw masha ni a yawga hpan amyu myu hpe shamai shatsai ya lu ai zawn,  San Don Bossco a hkam sha taw nga ai ana zingli hpe mung shamai shatsai ya mayu ai lam.tang shawn lai wa ai shaloi, San Don Bossco bai tsun dat ai lam gaw lahput hputdi dat u Wa Jau nang hpe akyu hpyi shaman ya na nngai ngu nna tsun dat ai shaloi, tsi sarawun gaw ngai Karai Kasang hpe kam sham ai wa n rai nngai, bai Karai Kasang a hpung dagu hpe mung n kam ai wa rai nngai nga nna tsun let, lahput hput di na lam hpe nyet lai wa ai..ngai gaw dai zawn galaw na lam hpe hkap la ai wa n rai nngai hpungtang hpaji hte tatut madun yang she kam ai wa rai nngai nga nna tsun lai wa ai.

Raitim dai sarawun wa hta mung, htan wa wa rai ai anan zingli nga  ai..dai majaw jau mung shi lahput hputdi nna akyu hpyi ai lam n galaw ding yang jau mung lata mara akyu hpyi ya ai lam hpe n galaw ya ai...dai majaw tsi sarawun gaw hpa mung tsun yu n lu ai shaloi, hpang jahtum lahput hputdi nna udang masat galaw nna kyu hpyi nga ai ten, San Don Bossco kawn, shi a lata hpe dai tsi sarawun a baw ntsa e mara tawn nna, shaman akyu dat ya ai shaloi, mau hpa lamik kumla atsam hpe shi hkam la lu dat ai..dai gaw shi hta htan chye ai ana dai aten hta mai mat wa nna Jau kaw mara raw sacramentu hkam rai chyoi pra hkum hkam la lai wa ai rai nga ai...shi mung mi shawng na hte maren kam.sham ai hpung mahsa bai tai wa ai.

Tsawra ai nu wa hpu nau ni ndai bat na kabu gara shiga hta mung shi lahakwng ning tup sai htaw ana byin hkrum sha nga ai numsha gaw nga ma nga tsi sarawun ni hkan tsi tsi hkawm ai rai tim, shi hta byin hkrum sha nga ai ana gaw n mai ai sha n ga, shi hta nga manga sut gan mahkra htum mat wa tim, shi a saihtaw ana gaw mai mat ai lam n nga ai sha n ga,  grau pi shawng wa ai...lani mi na nhtoi hta e Madu Yesu sa na lam.hpe shi na lu dat ai shaloi, shi gaw ngai mung dai madu a sangang hpe hkra kahtawk lu taw gaw mai tsai lu na re ngu ai kam sham myit hte shi mung dai shawa masha ni nga ai shara de sa nna, nga let, du sa wa ai Madu Yesu a lam na ai shaloi, masha wunawng ni a lapara de shi mung ganaw shang nna, shi a lata hte Madu Yesu a sangang hpe kahtawk hkra dat ai shaloi, shi hta byin hkrum sha nga ai sai htaw ana gaw kalangta mai tsai mat wa ai rai nga ai..Mk 5:30 hta Yesu gaw shi hta na atsam pru wa ai hpe shi a myit hta shaloi jang, chye dum wu ai majaw dai shawa hpawng de gayin wa let, nye a hpun palawng hpe kadai ahtawk hkra a ta nga nna san lai wa ai lam rai nga ai..

Kam sham ai myit hte Madu hpang de sit shang  ai masha shagu gaw shamai shatsai ai lam hkam lu nga ai rai nga ai..Madu Yesu a shamai shtsai ya ai lam.hpe masha malawng maga  gaw ntsa lam hkum.hkrang mu mada lu ai daw sha shamai la lu na hpe myit mada nga ma ai re..kaja wa nga yang Madu Yesu a shamai shatsai ya ai lam gaw lam amyu myu hku byin shangun nga ai..ga shadawn hkumhkrang shamai ai..Wenyi ana shamai ai..myit kraw lawang hta byin nga ai lam ni hpe shamai shatsai ya ai..myit ningma hpe shamai ya ai.ndai zawn.lam ni rai nga ai..Karai Kasang hta shamai shatsai hkam la ai ten hta masha gaw  tsawra myit hte hpring wa nna.. mungga ni hte mung hpring wa ai... namak lawhpa pawt si dawng ai lam.ni san seng wa sai nga yang tinang hta karai kasang a shamai shatsai ya ai lam.ni hkam sha lu nga sai re hpe myit dum dat ga..

shawng e stun dan lai wa sai mabyin hta na  tsi sarawin gaw  karai kasang kaw na shamai shatsai ya ai lam hpan gade hkam sha lu dat a ta ngu nna bai san yang mahsa malawng maga gaw  shi a htan chye ai lam rai nga ai nga nna htai na sha shadu ai..kaja wa nga yang dai hku htai chye ai lam.gaw mu mada lu ai hkum hkrang  sha rai nga ai..shi hta kaja wa shamai shatsai lu dat ai lam nkau mi gaw karai kasang hpe kam sham ai lam n nga mat ai kaw na makam masham bai lu la nna mara raw ai chyoi pra hkum hkam la ai... myit yawn myit malai let mungga hte maren bai sak hkrung hkawm sa wa ai lam ni gaw shi a wenyi ana ngu na shamai la hkrum ai..bai myit ningma shamai la hkrum lu dat ai mung rai nga ai...

kabu gara shiga hta na mau hpa mabyin langai gaw jairus a si mat wa ai kasha hpe bai asak jahkrung ya ai lam rai nga ai..shawng nnan myit yu na lam gaw si ai lam gaw Karai kasang galaw ai lam nrai nga ai ngu ai lam re..karai kasang gaw nsa gawut bang ya ai wa mahtang rai nga ai..si ai lam ngu nna tsun ai ten hta lam lahkawng nga ai..dai gaw wenyi si ai lam hte hkum hkrang si ai lam rai nga ai..wenyi si ai lam ngu ai hta npawt kanu yan kawa a madat mara ai lam n nga ai mara a majaw wenyi si hkrum ai ya na zawn si hkrum taw nga ai  hpe madu yesu kawn shinggyim hkum hkrang hpe sa dagraw hkam la nna zingri zingrat nni nkri hkam rai si hkam ai hte masum ya hpang bai hkrung rawt wa ai lam hku nna hkyehkrang la ai lam hpe bai galaw nna asak nnan hpe jaw ya lai wa ai...ya na zawn wenyi asak ngu na karai asak hpe kam sham myit hte kashin kamun hkam la ai masha shagu gaw bai hkam la na ahkang lu ai mung rai nga ai..tinang hkum shut hpyit ai mara a majaw tinang a wenyi si hkrum taw ai nga yang gaw jet ai myit yawn myit malai galaw let mara raw sacramentu hpe hkam la dat ai shaloi karai kasang a asak ngu na dingman dinghpring ai chyeju hpe bai hkam la lu na rai nga ai..

ndai lam ni hpe myit sumru yu nna e wenyi si hkrum ai lam gaw karai kasang a galaw ai lam n re ai hpe mu chye la lu nga ai.

hkum hkrang si ai mung karai kasang galaw ai lam n re ai hpe bai myit sawn sumru yu ga..daw langai hpaji byengya laika 1:13 karai kasang gaw sihkrung sihtan lam hpe n shabyin tawn da ai...asak hkrung nga ai ni hpe  jahten shabya ai lam shi ra sharawng  ai n rai..Roma 6: 23 hta yubak a shabrai gaw si mat ai rai nga ai..si ai lam gaw mara a majaw rai nga ai..roma 5:12 hta dai rai nna masha langai mi a jaw e yubak gaw mungkan ga e shang wa nna yubak a majaw sihkrung sihtan shang nang wa ai hte maren yawng mayawng yubak kap nga ma ai..majaw masha nlang kaw e sihkrung sihtan du bang wa ai..

yaku 1 : 15 hta dai myit kayut ai chyawm gaw na-um nasin rai wa jang yubak hpe shangai dat wu ai..yubak mahtang gaw kunghpan wa jang si ai hpe shaprat dat wu ai nga nna tsun da ai hpe mu lu ai..

Tsawra ai nu wa hpu nau ni si ai lam gaw karai kasang galaw ai lam nrai nga ai..anhte shinggyim masha ni a mara tawt lai shut ai apu asi a majaw rai nga ai hpe asan sha mu mada shangun nga ai..dai majaw madu yesu si ai lam hpe jasan jaseng kau na natu muugkan ga de du sa wa ai rai nga ai..wenyi a si hkrum nga ai lam hpe kashin kamun hpe hkam la ai ten hta e jahten shatsai kau ya nna karai a asak dinghpring dingman ai chyeju ni hpe bai bang dat ya ai rai nga ai..kashin kamun chyeju kumla gaw hkristan hpung ni a matu bai hkrung rawt ai lam ajet mung rai nga ai..madu yesu tsun tawn da ai ga sadi gaw yawhan 11:26 bai yesu gaw ngai gaw bai hkrung rawt ai lam hte asak hkrung ai lam rai nga nngai..ngai hpe kam sham ai wa gaw si mat timung ahkrung nga na ra ai..asak hkrung nna ngai hpe kam sham ai wa kadai mung si ai galoi mung n hkrum na ra ai..nga nna ga sadi jaw tawn da ai lam rai nga ai..

mungga hta na tara agyi gaw shi kadai rai nga ai lam hpe  tawn kau da nna karai kasang hpang de shi kasha a matu shagrit shanem ai hte  hpyi shawn dat ai lam gaw anhte yawng a matu  kasi la hpa mungga rai nga ai.. kasi la hpa hpan mali nga ai...dai gaw... kasha myit hte re ai a majaw madu a ntsa tawn da lai wa ai..shi a myit hta manoi ai lam n nga mat ai...tara agyi ni gaw ahkun hkang se hta ai ni hte rau re ai nga nna madu yesu a ntsa yu kaji lai wa ai re majaw tara agyi wa madu a ntsa yu kaji let myit hta manoi na rai nga ai...raitim kasha myit hte rai nga kawa gaw hpung dagu hte hpring ai karai kasang hpang de shanu sit shang ra ai..rai nga ai...

nu wa hpu nau ni e anhte hta mung myit hta manoi ai lam nga sa i nga yang dai myit hta manoi ai lam gaw anhte a myit hpe karai kasang a shaman chyeju nhkam sha lu hkra pat tawn da ya nga na re...dai majaw mungga hte sak hkrung hkawm sa na nga yang myit hta manoi ai lam hpe shamat kau nga ga..

lahkawng hta gaw shi a tara agyi wa ngu ai arawng aya hpe malap kau ai lam rai nga ai..arawng aya tsaw nga ai tara agyi wa gaw kasha a majaw shi a arawng aya ngu ai hpe n dum mat ai sha madu yesu a lagaw nhpang e sit shang lai wa ai a majaw akyu chyeju hpe kaja wa hkam la lu lai wa ai rai nga ai..tsawra ai nu wa hpu nau anhte hta jachying hkring byin chye ai lam gaw masha gaw tinang a arawng aya ntsa e sha du manat tsap taw sai nga yang karai kasang a shaman chyeju hte tsan mat wa chye nga ai.. jaw ai shut ai dai ram nre anhte amyu a shari shadang makawp ra ai nga nna tsun chye ai rai nga ai..ngai kadai ngu hpe tawn kau da nna karai kashang hpang de sit shang yang sha anhte ni kawn hkyehkrang la ai chyeju hpe hkam la lu na rai nga ai..

masum malap kau ai lam gaw shi a sari sadang hpe ntau malap da kau ai lam rai nga ai..lusu ai tara agyi wa gaw matsan mayan rai nna nga kaba wa ai madu yesu hpang de shagrit shanem ai hte sit shang lai wa ai a majaw shi a kasha asak hkrung ai chyeju ngu na hpe hkam.la lai wa ai rai nga ai..nu wa hpu nau ni e shagrit shanem ai lam gaw hkristan prat a mai kaja npawt rai nga ai...

mali gaw shi tara agyi wa mi ting rai nga ai ninglen dai hku galaw ai a majaw shi a manang ni shi hpe gara hku tsun wa na ngu ai hpe shi hpa nnawn da ai lam rai nga ai..manaw manang ngu ai hpe malap kau da ai rai nga ai..masha malawng maga gaw tinang a hpaji chye ai manaw manang ni kawn nang gara kaw nga ai nga nna tsun taw nga ai ten hta kaja tinang a galaw dat ai lam gaw hpaji rawng ai hte galaw dat ai lam rai mat wa ai hpe mau hpa hku nna mu hkrum.lu nga ai..

tsawra ai nu wa hpu nau ni tara agyi nta mahsa ni gaw madu yesu a matsan dum lama hkrum.lu na hta lai na yawng hpe malap da ai rai nga ai..anhte yawng mung tinang myit hta manoi chye ai gawng dum ai myit tsaw dum rai dum ai lam ni hpe la kau nna makau grup yin hpe madu a nhtoi hpe jaw ya ai hte simsa lam hpe gawde lu ai kashu kasha rai  lu myit ga..akyu hpyi ya dat nngai..

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ..shilahkawng ... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..hpaji byengya laika 1:13-15 ; 2:23-24 .chyum mungga daw lahkawng kawrintu hpung masha ni hpang de san paulu shagun dat ai laika langai 8:7-9,13-15 kabu gara shiga Marku 5: 21-43

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law