LU SHA GAM LADAW LABN ( IV ) B Shaning 2024

LU SHA GAM LADAW LABN ( IV )

Kaning rai nme law karai kasang a kasha hpe kam sham ai ni nlang hte gaw hten bya nhkrum ai sha, htani htana asak lu la mu ga nga Karai Kasang gaw shi a kasha shingtai hpe jaw kau ai du hkra mungkan ga hpe tsawra wu ai..nga nna Yawhan 3: 16 hta tsun da ai hpe mu lu ai...

Hkristu hta tsawra hkungga ai shiga madat nu wa hpu nau ni ndai Laban gaw B shaning a LU SHA GAM LADAW LABN ( IV ) rai nga ai.

Jau gawng ngu ai ni gaw nam shan hpe nmu mu hkra tam ai zawn daini Karai Kasang gaw lam dam taw shi a kashu kasha ni hpe Tsadan a lata kaw na nlu lu hkra bai hkan tam la ai...hpa majaw ngai rai mung ngu na de ndu mat na matu..Francis Tosawm ngu ai wa kaji ai ten hta jau tai jawng de shang nna jau tai na matu grai sharawng ai wa nga raitim shi kaba wa ai shaloi  gaw shi a lagawn lamawn ai lam ni myit n su ai lam ni a majaw hpaw ya  tai mat wa ai..shi kade mi sawng ai masha rai nga tim  Karai Kasang a tsawra myit kaba hpe shi bai hkam sha lu dat ai ten kaw na shi a prat gaw lak lai hku galai shai wa ai..shi hku nna e moi shawng de Karai Kasang hpe shingdu da nna karai kasang hte tsan ai de gade mi hkawm mat ai raitim Karai Kasang a lata na  nlawt lu ai zawn Karai Kasang a shi hpe bai hkan tam la ai hkrang gaw mau na zawn re ai lam hpe shi hku nna hkam sha lai wa ai lam katawn da ai lam hpe mu lu ai..

ndai bat e anhte hpe shadum ya nga ai Yawhan a kabu gara shiga hta mung ndai lam hpe madung da tsun shadum nga ai sha rai nga ai..yawhan 3:16 Karai Kasang a kasha hpe kam sham ai ni nlang hte gaw hten bya nhkrum ai sha htani htana asak lu la mu ga nga karai kasang gaw shi akasha shingtai hpe jaw kau ai du hkra mungkan ga hpe tsawra wu ai..

tsawra ai nu wa hpu nau ni hpan madu Karai Kasang gaw shi a kashu kasha ni hpe hkan tam la nna zingri zingrat ai lam hpe gaw n galaw na re..hpa a matu hkan tam a ta nga yang anhte hpe hkye hkrang la matu rai nga ai..Karai Kasang ya na zawn hkan hkwi hkan tam ai lam hta shi a tsawra myit kaba hte hkan tam la ai rai nga ai..kawa Karai Kasang gaw shi hpe shingdu da nna hkawm sa nga ai shinggyim masha ni hpe bai lu hkye mawoi la  na matu shi a kasha shingtai hpe ndai mungkan ga de shangun dat ya ai a marang e shi a kaba la ai tsawra myit anhte hpe madun dan dat ai lam mung rai nga ai..ya sha tsun lai mat sai Francis Tomsum a mabyin zawn masha gaw mara hpe galaw nna krai kasang hte tsan ai shara de rai mat nga ai..dai zawn rai mat tim Karai Kasang gaw dai masha a hpang e hkan nna bai mawai la ai Madu karai kasang rai nga ai..

tsawra ai nu wa hpu nau ni Karai Kasang a tsawra myit gaw kade daram kaba ai ngu ai lam hpe sawn sumru yu lu na matu Eph..3: 18 hta tsawra ai hta ru jung nna pawt gaw da let de a nda de dingdung de tsaw de sung de kaning rai rai nga ai gaw chyoi pra ai ni yawng hte rau atsawm sha myit shakup lu nna karai kasang a hkum tsup ai lam ting hte hkum  tsup lu myit ga chye chyang ai myit hte n dang chye ai hkristu a tsawra ai lam hpe nanhte chye na lu na ngai hpyi nga nngai.

anhte shinggyim masha yawg hpe tsawra nga ai Karai Kasang a tsawra myit gaw grai dam lada nga ai shi a tsawra myit gaw masha shagu ngu na ni shi hpe kam ai n kam ai raitim dai masha ni yawng hpe shi tsawra ai..karai kasang gaw shi a mai kaja ai lam hta masha hpe mung shang lawm shangun mayu nga ai..

anhte yawng hpe tsawra nga Karai Kasang a lam hpe yeremi 31 :3 hta Karai Kasang gaw tsan tsan de na ngai kaw dan pru nna kaja wa htani htana tsawra ai hte ngai nang hpe tsawra de ai..dai re ai majaw n-gaw nwai ai myit hte ngai nang hpe dun la ni ai..nga nna tsun da ai hpe mu lu ai..

anhte yawng hpe tsawra ai Karai Kasang a tsawra myit gaw shi madu ningngai nga ai ja mungdan na tawn hkungri  du hkra pi tsaw nga ai nga nna e tsun da nga ai. ..shinggyim masha hpe tsawra ai shi a tsawra myit a kumla hku nna shi a kasha shingtai hpe mungkan ga de jaw ya ai lam hpe mu lu ai a marang e chye lu nga ai..sacramentu chyeju kumla ni hku nna shi a asak hpe jaw ya ai lam ngu na karai asak hta shang lawm nga lu ai gaw lak san chyeju ngu na ram kaba la ai mau hpa rai ai shi a  tsawra myit hpe anhte gara kaw mung tam n mu nga ai..shi a mai kaja lam shi a chyoi san seng dik ai kasha Yesu hpe chyoipra hkum Sacramentu hku nna hkam la lu let pawng hpawm lu ai lak san ahkaw ahkang kaba hpe jaw ya ai..dai daram kaba la ai lam mung n nga sai..

Karai Kasang anhte hpe  tsawra ai shi a myit gaw grai sung la nga ai..tsaw htum shara kaw nna nyem dik ai anhte shinggyim hkum hkrang hpe dumsu u sat wakang hta sa dagraw hkam la nna hpang jahtum udang ntsa e jen noi si hkam lai wa ai..du hkra anhte hpe tsawra ai shi a tsawra myit gaw grai sung la nga ai re..

tsawra ai nu wa hpu nau ni ndai zawn kaba dik ai Karai Kasang a tsawra myit hpe ningle nna tinang a myit shadang let ngarai mung ngu na de e shanang nna hkawm sa ai nga yang anhte a mara sha rai nga ai..

mara hpe tawt lai  shut hpyit nna nga  taw nga ai masha ni gaw Karai Kasang a tsawra myit hpe  chye na dum hprang la lu nna myit yawn myit malai ai hte shi madu hpang de  gayin wa nna  Karai Kasang a tsawra myit hte shi a mai kaja nga ai lam hpe hkam sha let bai sak hkrung hkawm sa lu nga ma ai re...mungkan htum hkra hkan taw nga ai..Karai Kasang a tsawra myit hpe jet ai myit yawn myit malai ai lam hte bai nhtang wa nna shi a tsawra myit shanip npu e sak hkrung hkawm sa lu hkra shakut nga ga..

nau wa hpu nau ni.. mungkan ga hta jahkring hkring ngu na zawn Karai Kasang hpe anhte grai mazut grai yak gra pawt ja ai mara nraw ya chye ai Karai Kasang wa ngu nna tsun shapraw chye nga ai..dai majaw mung karai kasang hpe n gawn nsawn di ai hte mara shangun nga ai ni mung rai nga ai..

daini na ten e Karai Kasang anhte shinggyim masha ni a ntsa e pawt sindawng ai grai yak gai mazut ai mara ndat ya ai karai kasang kachyi mi mung nrai nga ai hpe jachyum mungga hku na shadum ya nga ai..hpa majaw shi a kasha shingtai  hpe jaw ya ai du hkra mungkan masha ni hpe tsawra ai Karai Kasang rai nga ai hpe sak se madun ai hku na mu lu  nga ai..

anhte shinggyim masha ni tawt lai shut hpyit lai wa ai shaut hpyit mara a majaw shi hkum nan yeng seng gun hpai ra nga ai jam jau lam gaw karai kasang yak nna mazut nna pawt nna mara n dat ya nna n garum ya nna gun hpai taw nga ai lam gaw nrai nga ai..tinang galaw ai lam a bai nhtang lu la ai lam mahtang rai nga ai..shada da garum ai lam a chyeju hpe hkam la ai zawn shut mara a dam hpe mung rau jawm hkam sha ra nga ga ai re..dai majaw karai kasang a mai kaja lam rai nga ai..Kasha Karai Kasang hpe shinggyim masha ni mung garan hkam sha lu nga ai zawn masha ni shut ai mara a majaw Karai Kasang gaw shi a kasha shingtai hpe jaw ya ra ai du hkra bai garan  hkam sha ra ai hte  hkyehkrang la ai amu magam hpe galaw ra nga ai...ndai mungkan ga de kasha shingtai hpe jaw ya wa gaw shinggyim masha ni hpe kaja wa tsawra taw nga ai Karai Kasang rai nga ai a majaw mahkra a hpang  e karai kasang a tsawra myit gaw matut manoi hkan nang let nga ai lam hpe kam sham nga ga ai re..yawng mayawng a hpang e Karai Kasang a tsawra myit ni hpe chye hkam sha ai ni a matu mahkra gaw tinang a matu tara mungga rai nga ai..

ndai lam du wa sai nga yang tinang hkum mung mara n shagun ai.. masha wa hpe mung mara n shagun ai bai Karai Kasang hpe mung mara n shagun sai sha yawng gaw tinang prat a matu ahkaw ahkang ni mahtang rai nga ai ngu hkam la let  chyeju dum chyeju shakawn na lam de mahtang galai shai mat wa na rai nga ai..

Karai Kasang gaw kawa langai rai nga ai zawn shi a kashu kasha anhte shinggyim masha ni a jet ai myit yawn myit malai ai hte mara ngu ai lam kaw na tinang nta ngu na Karai Kasang hpang de n du wa dingsang myit pyaw ai lam n nga ai kawa rai nga ai....bai anhte ni nhtang kayin wa na hpe galoi mung ala dingda nga ai..Karai Kasang a tsawra myit gaw mungkan ting e nga nga ai..masha myu sha langai sha a matu sha nrai nga ai.. kaja taw ai masha ni a matu sha mung nrai nga ai..shi hpe tsawra kam sham ai ni a matu sha mung nre... mungkan ting a matu rai nga ai..

san pra ai masha Augustine tsun da ai hta.. Karai Kasang gaw masha marai hkum ngau shagu hpe tsawra ai hta tinang langai hpe sha tsawra ai zawn marai shagu hpe tsawra nga ai..

tsawra nu wa hpu nau ni... Chiggu dakkasu hta laikka sharin ya nga ai..sara langai rai nga ai...John howel ngu ai wa gaw karai hpaji lam hte seng ai hpe jawng kaw  sharin ya nga ai..wa rai nga ai...lani mi na ten hta e shi a jawng ma ni hpe hpa hte mung shingdaw n lu ai Karai Kasang a tsawra myit ngu ai gabaw hte sharin ya ngut ai hpang... Tome ngu ai jawng ma langai gaw sara e daini sharin yavai ladat hkrang grai kaja ai... hti n ra hkra kalang lata matsing lu ai..ngu tsun nna shi bai matut san dat ai lam gaw raitim sara hku nna mung gara hku shadu a ta... ngai lani mi na nhtoi hta Karai Kasang hpe tam mu na ngu shadu ai kun? sara jahkring mi mau zim mat ai . jahkring mi myit la ngut ai hpang.. ma e nang Karai Kasang hpe tam mu na gaw n shadu ai.. raitim sara hku na hkrak tsun lu ai gaw nang hpe e karai kasang tam mu na ngu ai lam hpe gaw hkra lu tsun ai ngu nna e tsun lai wa ai..Karai Kasang a tsawra myit hpe hkam la lu nna myit yawn myit malai let ndai lu sha gam ladaw hpe atsawm sha hkan nang hkan shadik lu myit ga...

Akyu hpyi saga oh hpan madu  Karai Kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw shaning B a lu sha gam ladaw mali rai nga ai.. . ..hti ang ai ja chyum mungga ni gaw chyum mungga daw langai ..Langai ngu na..lahkawng hkawhkam labau laika 36 :14 - 16, 19-23 .chyum mungga daw lahkawng Ephesu hpung masha ni hpang de san paulu shagun dat ai laika   2: 4-10 kabu gara shiga yawhan 3: 14-21

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law