Wa Sarabyin Franics Gaw Gaza Kaw Na  Kamsham Ai Kahtawlik Hpung Masha Ni Hpe Sadi Dung Ai Hpung Masha Ni Ngu Nna Tsun Lai Wa Ai.

Wa Sarabyin Franics Gaw Gaza Kaw Na  Kamsham Ai Kahtawlik Hpung Masha Ni Hpe Sadi Dung Ai Hpung Masha Ni Ngu Nna Tsun Lai Wa Ai.

Wa Sarabyin Franics gaw Gaza kaw na Holy Family ngu ai Jau Gin Wang kata na hpung masha ni hte sasana magam hta gun hpai ap nawng nga ai ni hpang de phone hte matut mahkai hkrum shaga nna let jam jau yak hkak hkrum nga ai uhpung uhpawng ni hpe shalan shabran n-gun jaw ya nga ai majaw chye ju dum ai lam tsun lai wa ai.

''Wa Sarabyin Franics gaw anhte jam jau ai lam hkrum ai rai tim hkam jan let nga taw ai hpe shi chye nga ai hte anhte a matu akyu hpyi ya nga ai lam pahkam hkam ya lai wa ai.''

Rosary Sisters of Jerusalem na MaMa Nabila Saleh gaw lai wa sai langai ya shana maga Wa Sarabyin Franics hte phone shaga ai hpe ga hpe kadun ai hku bai tsun dan ai.

MaMa Nabila Saleh gaw Gaza kaw Latin nawku htung ngu na langai sha rai nga ai the Holy Family Jau Gin Wang kata hta magam gun taw nga ai rai nga ai.

Vatican na shiga shapoi ai hta MaMa Saleh tsun ai gaw Wa Sarabyin Franics gaw jau ginwang kata na  Jau Yusuf hte  phone shaga lai wa ai hta ''Wajau gaw Italian ga nau n chye shaga ai majaw MaMa hpe phone shaga shangun nna MaMa gaw Wa Sarabyin hte dan tawk rai shaga ai'' lam chye lu ai.

Gaza na mung masha ni hpe Wa Sarabyin a myit ningtsang ai lam

MaMa tsun lai wa ai hta Wa Sarabyin kawn masha gade ram Jau Gin wang kata shingbyi taw nga ai hpe chye mayu ai lam tsun lai ai.rai nga ai.

''Machyi makaw hkrum ai ni,kun dinghku ni,ma kaji ni,n gin n ngut nbyin n tai ai ni hte a dum nta nga shara hte sutgan ni n nga mat sai masha ni yawng rai yang marai 500 ram rai nga ai lam tsun lai wa ai. Wa Sarabyin hte  ya na zawn  phone matut mahkai shaga lu ai gaw nye a matu kaba la ai shaman chyeju rai nga ai nga nna tsun lai wa ai. Wa Sarabyin hku nna mung n-gun jaw ga tsun ai hte akyu hpyi ya nga ai lam tsun lai wa ai''.

MaMa Saleh gaw Wa Sarabyin hpe simsa lam a matu matsan dum lama ai lam hpe hpyi lajin ai lam tsun lai wa nna Gaza kata na Kahtawlik hpung masha ni gaw shanhte hkam sha nga ai mayak mahkang a matu'' majan ni alawan zim mat na matu,nawku jawng na ra kadawn ai arai  ni a matu hte ya galaw taw nga ai hkumra zuphpawng kaba a matu nga nna tsun shaga lai wa ai..

''Anhte nawku hpung masha ni yawng kabu myit dik nga ga ai''. MaMatsun ai hta''Wa Sarabyin gaw simsa lam a matu hte Gaza kaw na Christan uhpung ni a mai kaja lam a matu shakut shaja nga ai lam'' shanhte chye nga ma ai.

 Ndai aten laman hta shada da madi shadaw ai lam hpe jep chyam yu ai

Gaza na mabyin masa hpe san ai shaloi,MaMa Saleh gaw masha yawng gaw shanhte a mayak mahkang ni lapran e shanhte byin mai ai made shada da garum shing tau hkat  na matu shakut shaja ai hte simsa lam a matu sharawng shara rai kam sham let akyu hpyi nga ma ai lam tsun lai wa ai.

''Shani shagu anhte hta Missa lahkawng lang galaw nga ai''.Ma kaji ni hte kun dinghku yawng mung Rosary hti kyu hpyi nga ai lam'' tsun lai wa ai.

Laban ya shana maga na Missa hta Gin Wang up Jau gaw Missa hkungga nawng jau nna ma kaji langai hpe kashin kamun jaw ya let  christan hpung masha shatai la lai wa ai.

''grai nhkru nsawp ai lam ni byin pru wa na hpe kanu gaw myit tsang nna shi a kasha hpe kashin kamun jaw ya  na matu hpyi lajin lai wa ai''nga nna MaMa tsun lai wa ai.Anhte yawng a wenyi ni bai hkrung rawt  wa lu na matu hte hka the wenyi e bai shangai shaprat ai lam gaw yawng a matu ra ai lam tsun lai wa ai.

Simsa lam hte tara rap ra lam a matu hpyi lajin ai lam

Mama Saleh gaw Palestine kata hta mung simsa lam hte tara rap ra lam lu na matu hpyi lajin ai lam hpe shiga  sanglang poi ai hta gyit ninghtan let hpung dim da lai wa ai.

''Majan ngu ai gaw kadai hpe hpa akyu mung n jaw ai re majaw simsa lam hpe ra kadawn ga ai. Ndai gumshem ai majan hpe lawan dik ai hku sazim mayu sai''ngu nna tsun lai wa ai.''Masha law law gaw shanhte tsawra ai masha.. ni,dum nta ni hte sut gan ni yawng hpe jasum kau lai wa ai.Palestine myusha ni mung tara rap ra ai the sak hkrung na ahkang nga ai. Shajan shalai myit masa nga ai masha nkau mi a majaw e masha yawng hpe mara n shagun na matu ngai hpyi lajin mayu ai.Nang mung anhte a matu akyu hpyi garum ya rit ngu nna anhte hpyi shawn ga ai''.