Pranwan Ladaw Laban 26, A, 2023

Pranwan Ladaw Laban 26, A, 2023

Hkristu hta tsawra hkungga ai nu wa hpu nau nawku hpung masha ni ndai laban gaw pran wan ladaw hta 26 ngu na laban rai nga ai..

Madu Yesu gaw ngai nanhte hpe hkrak tsun made ga.. kang hta ai ni hte shawa num ni nanhte a shawng e karai kasang a mungdan hta shawng shang na rai nga ma ai..yawhan gaw dinghpring ai lam hpe hkan let nanhte kaw sa du sai..raitim nanhte shi hpe nkam sham ma ai..kang hta ai ni hte shawa num ni chyawm gaw shi hpe kam sham ma ai..nanhte gaw dai hpe mu timung shi hpe kam sham na myit malai bai lu na nrai.. Mtt 21:31-32 hta tsun da nga ai..

tsawra ai nu wa hpu nau ni hpe mabyin lam langai mi tsun dan mayu ai..shat gawk kata hta sha prat tup jau ni yawng a matu shani shagu malu masha hkyen lajang ya nga ai..bro kaji langai mi nga  ai da..shi a shagrit shanem ai sat lawat ni hpe yu nna san pra masha zawn rai nga ai nga nna jau ni kawn masat tsun ai a majaw shi mung san pra ai ni nga lai wa ai hte maren shanhte a prat zawn shi mung sak hkrung nga sa ai lam hpe grai  myit dik myit pyaw nga ai wa rai nga ai..lani mi na nhtoi hta  jau jawng wang de sa nna tara sa shadik sa ai myu maya hpung masha ni hta na langai mi gaw shanhte tara shadik ngut nna bai wa na hkyen ai shaloi..dai bro hpe ga san san dat ai..bro e nang hpe ngai yu mu mada ai daram nga yang.. bro gaw kyu hpyi laika ni hpe hti na aten mung n mu laga nawku hpung makam masham hte seng ai laika ni hpe hkaja ai lam mung n nga..  bai mungga ni hpe madat hkam la ai ten mung n nga.. dai wa mi gara hku na Karai Kasang hte pawng hpawm nna nga lu a ta? nga nna san dat ai lam rai nga ai..

shaloi dai bro gaw shat gawk de lata layung ladawnlet bai htai tsun ai gaw dai shat gawk kata hta e  shani shagu ngai hpe dum hprang nna sak hkrung chye na matu mungga hkaw ya taw ai wa nga ai.dai wa gaw.gara hku na ngai hpe hkaw tsun shadum a ta nga yang ...wan dap kaba na wan n ga hkyeng hkyeng sawn ai ni gaw  karai kasang a shimlum ai tsawra myit hte ngai hpe shani shagu shalum ya nga ai hku nna hkam sha shangun ai, bai ..jahpawt jau jau e wan wut ai ten e ngai a hpyi ai kyu hpyi ga gaw madu Karai Kasang wa e na a kasha ngai hpe shawng shani na zawn sha matut nna mung shimlum lam hpe jaw ya rit wa e nga nna akyu hpyi hpyi rai nngai..wan wut tim wan nau nja hkraw ai shaloi wan sau hte hpun ni ntsa bai ru bang nna bai shagrung dat ai hte ja wa ai shaloi kalang bai na a kasha ngai hpe ra kadawn nga ai atsam ni hpe mung jaw ya rit ngu nna bai yin la lu let akyu hpyi ai..wan grai ja nna kahtet wa ai ten htani htana nga rai wan a kahtet ai lam hpe myit dum la lu shangun ai ..man man wan grung taw nga sa i nga yang  aw nye wenyi karai kasang a ntsa...ndai jawng wang kata nga ai jau ni a ntsa bai ndai shara hta tara sa shadik ai masha ni a ntsa kaba la ai tsawra myit hte hkru ya taw nga a hka nga nna myit dum la shangun ai..bai amu yawng hpe galaw ngut nna shana maga e wan bai sat kau ai shaloi gaw ngai ndai dinghta mungkan kaw na lani mi ngu na nhtoi hta pru mat wa ra na tsun mayu ai gaw si mat wa na ngu ai ndai zawn tara lam ni hpe shani shagu ndai shat gawk kata na wan mang hku nna sawn sumru sharin  la lu nngai ..nga nna bai htan ya lai wa ai..

hkristu hta tsawra hkungga ai nu wa hpu nau ni e daini anhte hkum  anhte atsawm sha ga san hpe san  nna tinang gaw kaja wa  karai kasang hpe kaja wa kade daram tsawra ai wa rai nga ai kun? ngu ai hpe san jep dat yang ndai bat na na la lu na mahte a kabu gara shiga hta na madu yesu jaw ai ga shadawn rai nga ai kasha kaba hte kasha kaja yan a prat hku nna mu chye la lu na gaw teng sha re..

madu yesu hkaw tsun ai ga shadawn hta masha langai mi hta kasha lahkawng nga nna langai mi gaw sabi sun de n sa ai ngu tsun tim hpang e myit malai lu nna sa ai..kaji ai wa bai rai yang gaw matsun ai hpe hkap la tim n sa nna nga mat ai..tsun mayu ai hta kasha kaba wa gaw kyang n kaja ai.. kam sham ai lam ning ra ai wa hte bung nga ai. ndai zawn masha ni gaw nnan daw e shaga la ai lam hpe hpa zawn nnawn nsawn n hkap la ai raitim nawku hpung a hkaw tsun ai hpe madat hkam la nna kyang galai shai wa ai ni rai nga ai..dai kasha kaba wa gaw grai n rup ai hte ning hkap ai raitim hpang jahtum myit galai shai nna kawa matsun ai amu hpe galaw lai wa ai.

kasha kaji wa gaw hparashe hte laika ka shara ni hte bung nga ai..ntsa lam sha mu mada hkra chye galaw ai..masha ni kam na hku ntsa lam sha nga sa dan ai..dai majaw kawa tsun ai hpe lawan ladan sa na ngu ga sadi jaw lai wa ai raitim n sa ai sha nga sha lai kau ai..dai zawn masha ni gaw karai kasang a mungga hpe n gup ga hte hkap.la ai rai tim kyang lailen hte nyet ai ni rai nga ai...tsun mayu ai hta myit sha nga nna  n mai ai.. myit da sai lam hpe tatut hkrang shapraw sa wa ra ai hkrang shapraw sa wa sa i nga yang karai kasang a myit ra sharawng awng ai lam hpe hkan nang nga sai lam rai nga ai hpe madu yesu hku nna n dai ga shadawn hte anhte yawng hpe tsun shadum ya nga ai..ndai kasha lahkawn yan na gara wa a kyang gaw hkrak a ta  nga yang lahkawng yan kyang lai gaw n hkrak ai ngu nna tsun mayu.. raitim nkam ai ngu nna galaw ai wa chyawm gaw kaji wa htan tsa mai ai ngu nna gaw mai tsun ai..kaja wa nga yang sa na ngu tsun let ta tut galaw ai lam gaw kaja dik rai nga ai.

dai majaw  tsun ai hte tatut galaw chye ai ga shadawn hpe anhte  madu yesu hta  mu lu nga ai..san paulu hpilipi 2:8 hta tsun da ai hta masha a gawng shing yan lang let shi hkum hpe shi shagrit kau nna si ai du hkra madat mara nga ai kaja wa udang hta si ai du hkra madat mara nga ai..mu lu nga ai. madu yesu gaw hpring zup ai kasha langai hku nnakasi kamang la hpa rai nga ai.

Kawa Karai Kasang kawn mungkan shinggyim masha ni hpe  yu bak nsin htawng kata hta na hkye mawoi shaw la na matu Kasha hpe tsun ai ten Madu Yesu hku nna "Yes" mai sa ngu nna mahtai jaw lai wa ai . dai zawn jaw da sai ga sadi hpe kasha kaji zawn nre ai sha madu yesu gaw ta tut  galaw lai wa ai..dai majaw san paulu gaw hpilipi laika 2:5 hta Hkristu yesu hta e rawng ai myit nan nanhte hta e mung rawng nga myit ga..nga nna tsun da ai hpe mu lu ai..

ndai mabyin lam hte la kap nna ndai laban gaw anhte  hku nna tara kanu lam shi hta na matsat ngu na  masu magaw sak se hkum tai hkum tsun e ngu ai ndai lam hpe rau sha myit jawm sumru yu nga ga..

ndai tara gaw Karai Kasang hkum nan masat tawn da ai tara lam rai nga ai..hkahtawlik makam masham laika CCC n.2475 hta Hkristu a kasa ni gaw Karai Kasang a hkrang nsam hte maren san seng san pra lam hte dingman ai lam hta hpan da hkrum sai prat nnan hpe bu hpun nga mu..n teng n man ga tsun ai lam hpe koi gam nna shanhte gaw n kaja lam amyu myu hte rau masu ai n ding man ai.manawn masham ai hte ja hprak ai lam ni hpe koi gam ra nga ai..nga nna tsun da nga ai..

N teng n man ai lam hpe sak se n mai hkam ai..

n teng n man ai lam hpe sak se hkam ai ngu ai gaw tara rung hta  n teng ai hpe tsun tang madun ai lam hte bung nga ai..ndai zawn re ai mara gaw nnan kaw na nan kaba ai mara rai nga nna dai mara hta e mara hpan masum shang lawm nga ai..dai ni gaw masu tsun ai..chyum laika lang nna dagam ai majaw karai kasang hpe ngawn nsawn galaw ai..n tara lam hpe galaw shut ai ndai lam ni rai nga ai..

n tara ai lam galaw ai ngu ai hta masha wa a rai hpe..shing nrai asak hkrung lam hpe hkra machyi shangun ai lam hpe tsun mayu rai nga ai..

shawng e tsun lai mat sai  Arawng aya lu ai masha ni gaw tsun san ai ten hta anhte gaw masha wa hpe hkra machyi na hpe n tau nna chye ai daram jaw teng ai hpe tsun na lit nga ai..n teng n man ai hpe sak se hkam ai hku nna masha wa a arung arai hpe jahten shaza ai..jahpoi  hkrum ai dai zawn mara a matu karai kasang kaw na mara dat ya ai lam hpe hpyi nem nna tawt lai shut hpyit kau sai lam hpe bai hkyen lajang ya ra ai..dai majaw anhte gaw tara tingyang a man hta sak se hkam ai ten hta teng man ai hpe hkrak tsun sak se hkam ra ai..

n teng n man ai ga hpe hpa majaw ntsun ging a ta?

masu magaw ga tsun ai lam gaw tinang myit shadu ai hte nhtan shai nna masha wa hpe masu mayu ai myit hte tsun ai lam rai nga ai..n gup aga hku mung laika hku mung.. mu mada ai shingan kyang lailen hku mung n teng nman ai hku masu mai nga ai.

masu magaw ga tsun ai lam masum nga ai..asawng ai hku nna masu ga tsun ai..ndai masa gaw manang wa hpe hten za shangun mayu ai lam nre sha mani hpa hku na sha poi shabyin tsun ai ga si rai nga ai..lahkawng ngu na gaw tinang hte manang wa lahkawng yan hpe hkrat sum ai de gaw n du shangun ai sha lahkawng yan a matu akyu lu shangun ai masu tsun ai ga rai nga ai..masum ngu na hta gaw manang wa hpe jam jau shangun ai masu magaw ga ni rai nga ai..

pru mat wa ai 23:7 n teng n man ai amu hta tsan tsan koi nga u nga nna karai kasang tsun hkang da nga ai..masha law malawng n teng n man ga tsun ai hpe hpa ahkyak ai lam n re nga nna shadu da nna e jahkring hkring n teng n man ga ni hpe tsun nga ga ai..re.raitimung karai kasang a tara lam hpe ning hkap ai gaw grai nan n kaja ai lam re ai hpe dum chye da ra nga ga ai..

ndai laban na jachyum mungga hku shadum ai lam gaw tinang gaw kalang marang kasha kaba zawn karai kasang a hpe ningle nna n madat ai raitim hpang e she ngai shut sai nga nna bai myit malai lu let bai sharai nna hkawm sa ai ten ni nga ai zawn kalang marang  kasha kaji zawn karai kasang a tara lam ni hpe chye nga ninglen tinang hkum n sadi ai majaw n shangut shakre nhkan n sa kau ai lam ni mung law law nga na re.. dai zawn anhte a prat hta nga chye ai kasha kaji a myit sat lawat ni hkoi mat wa na matu shani shagu shakut nga ga .mahte 7:21 hta ngai hpe madu e madu e nga ai hte yawng mayawng gaw sumsing lamu mungdan hta shang lu na nrai sumsing lamu e nga ai nye wa a myit hkan ai wa sha shang lu na ra ai..

Akyu hpyi saga oh hpan Madu  Karai Kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ....hkunkru.......... ngu na lanban rai nga ai hti ang ai ja chyum mungga ni gaw chyum mungga daw langai ....Ezekela a laika 18:25-28.chyum mungga daw lahkawng hpilipi hpung masha ni hpang de san paulu shagun dat ai laika  2:1-11 kabu gara shiga Mahte 21:28-32

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law