Pranwan Ladaw Laban 25, A, 2023

Pranwan Ladaw hta laban 25

hkristu hta tsawra hkungga ai nu wa hpu nau nawku hpung masha  ni ndai laban gaw pra wan ladaw hta hkunmanga ngu na laban rai nga ai..

Na la lu na jachyum mungga hta Madu Yesu tsun hkang da ai ga shadawn ni hku nna mungkan a prat hkrun lam hpe hkan nna ban hte ban saduke ni hte mai gan amyu masha ni yawng hpe  makam masham lam de hkawm sa na matu saw shaga hkrum ai lam hte asak aprat hku nna anhte marai hkum ngau shagu hpe shaman chyeju hkam la lu na matu saw shaga la hkrum ai ni hku nna lachyum hta la mai nga ai.

mungkan ga ngu ai gaw jahkring mi sha sa nga ai mungkan kaji sha rai nga ai. anhte ndai dinghta asak htum mat wa ai ten hta htani htana asak lam de bai galai hkawm sa ra na ni teng sha rai nga ai.

dai hta e ga san san na lam pru wa ai dai gaw htani htana asak hkrung ai sumsing mungdan gaw kaning re ai shara hte bung nga a ta? gara hku byin wa na kun? ngu ai ndai lam rai nga ai.

madu yesu gaw mahte a kabu gara shiga hta na la lu na lam hte seng ai ga shadawn hpe tsun sanglang dan nga ai. dai ga shadawn gaw bungli madu wa hte nchyang shangun ma ni a lam  rai nga ai. tsabyi sun madu hpe e madu yesu hkristu hku nna mung shingdaw yu mai nga ai..nchyang shangun ma ni hku nna gaw anhte kam sham ai kashu kasha ni hpe tsun ai lam hku nna mai shingdaw la nga ai..

kashin kamun sacramentu chyju kumla hpe hkam la dat sai hte maren karai kasang a sasana ngu na hkau na pa hta tinang ang ai magam lit ni hpe anhte hkristan hpung masha ni hku nna karai kasang a magam lam hta shang lawm gun hpai ra nga ai. mungga hta bungli hkring ten lawm ai dai  bungli hkring ten gaw   anhte a mungkan asak htum mat ai ten hpe tsun mayu ai rai nga ai..dai majaw anhte gaw n si ding yang tinang hte seng ai magam lit ni hpe galaw gun hpai shakut ra nga ga ai..ndai dinghta asak htum mat wa ai shaloi anhte galaw lai wa sai bungli a manu jahpu shabrai hpe karai kasang kaw na gingdan ai hte bai hkam la lu na rai nga ai...

anhte marai hkum ngau shagu a myit mada da ai shabri shabrai gaw htani htana sumsing mungdan hta shi madu hte rau ningngai nga lu na matu sha rai nga ai.

Madu Yesu hku nna gaw  hpung masha shawng byin ai  hpang e she hkristan hpung masha byin wa ai nga nna garan gin hka ai lam ni n nga ai..madung hku nna  madu karai kasang  yu na lam gaw shi a ntsa hta gade daram  kam sham ai dai kam sham ai myit hte hkristan prat hpe gara hku nna akru pru ai hte nga sa lai wa ai ngu ai ndai lam ni hta mahta nna  daw dan  na rai nga ai..

dai majaw masha ni prat hpe sha yu nna aten nmai shalai kau ai nang ngai hkum nan a prat hpe myit maju jung nna karai kasang a mungga hte maren hkan nang shakut hkawm sa na she ahkyak nga ai.

na la lu na mahte a kabu gara shiga hta sun madu hte nchyang mayam ni a lam hpe tsun da nga ai ..dai hta jahpawt jau jau e bungli sa galaw ai ni nga ai zawn shini ka- ang e bungli lu ai ni gaw lu shana maga daw hta she bungli  galaw lu ai ni gaw lu rai na shana maga bungli ngut ai ten hta gaw shanhte a bungli a shabri shabrai hpe sun madu kawn jaw ai ten hta maren mara jaw lai wa ai lam hpe mu lu ai. dai hpang shani tup bungli galw ai masha ni gaw aput angun glaw ai lam hpe sun madu wa gaw na nna ngai mai kaja nga nngai majaw na a myit akrawn nga lit ni? ngu nna bai tsun dat ai hpe mu lu ai.

ndai mabyin lam ni hte anhte a prat hpe daw masum hku nna  kasi la lu lu na matu shadum sharin ya nga ai.

langai hta masha ni matsan dum lama ai lam hte karai kasang a matsan dum lama ai lam hpe shingdaw dat ai shaloi hka hte sau zawn laga san rai mat nga ai..

karai kasang a tsawra matsan dum lama ai lam gaw shadawn sharam nna masat da ai lam n nga ai.galoi mung masha a ntsa hta matsan dum lama ai lam nga nga ai.bai anhte .masha hta rai yang matsan dum lama ai lam gaw shadawn sharam ai lam nga ai.chyum mungga daw langai .Esaia 55: 8-9 hta tsun da ai lam gaw ngai myit mang ai lam nanhte myit mang ai hku n rai.nanhte a lam ni nye a lam  zawn n rai nga ai..sumsing lamu gaw ginding aga hta tsaw nga ai.. nye a lam ni mung nanhte a lam ni hta grau tsaw nga ai nga nna karai kasang tsun da ai lam hpe mu lu ai.

lahkawng ngu na hta masha yawng gaw karai kasang a matu  maren mara manu dan ai ni rai nga ai.

sumsing mungdan hta e kaji kaba chyang ai hkyeng ai hpraw ai nyem ai tsaw ai ngu nna tsang garan gin hka ai lam nnga ai. karai kasang a matu yawng gaw manu dan ai ni rai nga ai. chyum laika na hparashe ni laika ka ai sara ni  hku nna  prat bung ai shinggyim masha ni hpe ntsa kaw na yu ai myit masa ni zawn anhte marai hkum ngau shagu a prat hta dai zawn lam ni hpe koi gam ra nga ai. prat she prat shang hkristan prat hku nna nga lai wa masha hte shangai ai hte kashin kamun chyeju kumla hpe hkam la nna si mat wa sai ma chyangai ni gaw htani htana sumsing sut gan lu la ai lam hta maren sha rai nga ai. prat tup san pra masha byin tai wa hkra grai shakut shaja ai masha hte si maw yang myit yawn myit malai lu nna si mat ai masha yan lu la ai lam mung maren sha rai nga ai.. masha nkau mi a lit la gun hpai ra ai magam bungli gaw n nga n mai magam lam ni rai nga ai. nkau mi a magam bungli bai rai yang gaw masha ni nau n mu mada ai magam bungli ni rai nga ai. masha nkau mi a lit la nna galaw ai magam bungli gaw grai law nna nkau mi a lit la galaw ra ai magam bungli gaw nau bai nlaw  chye nga ai.

karai kasang a man hta nga manga magam lit ni gaw kaji tim kaba tim yawng gaw ahkyak ai magam lam ni chyu rai nga ai..kaba ai magam hta rai tim kaji ai magam lam hta raitim tsawra myit lawm ai nga yang karai kasang a sharawng awng ai lam hpe galaw nga ai rai nga ai..tsawra myit nlawm magam bungli shagu gaw manu ndan ai hte  akyu chyeju nlu nga ai..

langai corintu 13:1-3 hta tsun da ai lam gaw ngai gaw masha a ga hte lamu kasa ni a ga amyu myu hpe chye tsun ai raitim tsawra myit n rawng yang gaw mahku rawng ai sumseng hte ngoi gara ai shupseng sha ngai tai nga nngai. ngai myi htoi chye htoi ai hte sung ai ga yawng mayawng chye chyang ai lam amyu myu hkum nga ai hte bum hpe jasit lu hkra re ai makam masham rawng tim tsawra myit nrawng yang ngai hpa n rai nga nngai. nye a arai ni yawng hte hpe ngai gam kau nna nye a hkum hpe pyi nat kau na matu ap kau timung tsawra myit nrawng yang hpa akyu nga na n rai ...nga nna ka da hpe mu lu nga ai..

masum ngu na hta anhte masha shada da ap nawng hkat ai lam gaw kum hpaw kumhpa lu la na matu arawng aya lu na matu nrai nga ai.

karai kasang hpe tsawra ra ai myit hte shi a amu magam ni hpe  ap nawng galaw  gun hpai ai  mahtang rai ra ai. karai kasang hpe tsawra kam hpa ai myit hte ap nawng gun hpai ai nga yang kum hpaw kumhpa hpe n hpyi tim hkam la lu na gaw teng sha rai nga ai..anhte a myit shang sha ai lam gaw karai kasang hta sha shawng rai ra ai..hpang ngu na shara de nmai di da ai.

kabu gara shiga hta  jahpawt jau jau shaga la hkrum ai ni a myit shang sha ai lam gaw hpa ta nga yang shanhte a ging dan ai hte lu ging ai shabri shabrai lam rai nga ai..ndai zawn masha hpan gaw jaw yang galaw na ngu ai ni rai nga ai..hpang jahtum amu shang ai ni bai rai yang gaw bungli lu na matu sha myit shang sha ai ni rai nga ai..bungli jaw rit ngu nna hpyi ai masha hpan ni rai nga ai..anhte hkristan ni hku nna madu e nang hta ap nawng amu galaw  yang anhte hpe hpa bai jaw na ta ngu nna nsan ging ai ga san hpe san lam hte bung nga ai..laban nhtoi hta nawku jawng lung kyu hpyi shang lawm ai ten hta mung laban nhtoi rai na sa lawm ai bai hpung masha rai na lit nga nna sha sa lung ai nga yang kyu hpyi ai lam hta lagawn lamawn ai lam byin wa na gaw ten sha re...myit nlawm ai hte pru dat shang dat galaw taw na  re.. karai kasang hpe tsawra ai myit hte karai kasang a ntsa e kam sham manoi nna nawku hkungga shakawn ai nga yang kaja wa nan myit hta hkam sha lu na re..pyaw na re..akyu hpyi ai ten ni pi nlaw wa dum na re...uhpung uhpawng ni hta rai tim tsawra myit hte galaw ai nga yang n kam ai n pyaw ai ngu ai lam ni nnga na re..ndai ap nawng ai magam hta  nam chyim hku nna hkam sha wa na re...

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ....hkunlahkawng.......... ngu na lanban rai nga ai hti ang ai ja chyum mungga ni gaw chyum mungga daw langai ....Esaia a laika 55:6-9.chyum mungga %pdaw lahkawng hpilipi hpung masha ni hpang de san paulu shagun dat ai laika  1:20-24,27 kabu gara shiga Mahte 20:1-16

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law