Magam bugnli nlu taw nga ai ni a matu lak san kyu hpyi garum ya ga, nga nna Wa Sarabyin tsun lai wa ai Shiga ( 03 May 2019)

Lai wa sai May Shata praw (1), Bungli Galaw Sha ai ni hpe makawp maga ai San Pan Pra ai Yosep a Poi nhtoi hta, Mungkan mungdan shara shagu na San Peter pa kaba hta du zup nga ai, hpung masha ni hpe, Magam bugnli nlu taw nga ai ni a matu lak san kyu hpyi garum ya ga nga nna, Wa Sarabyin Francis saw shaga lai wa ai rai nga ai.

Wa Sarabyin matut tsun ai hta, “daini anhte San Yosep a poi nhtoi hpe masat galaw nga ga ai. Grau nna, bungli galaw sha ai ni a kasi kamang wa hte shagrit shanem dik ai wa rai nga ai, Nazerat mare na bungli galaw sha ai wa San Yosep gaw, anhte hpe galoi mung Madu Yesu hpang de woi sa ya nga ai, mai kaja ai magam bungli galaw ai ni hpe galoi mung madi shadaw la ya nga ai, bungli nlu mat ai ni hte bungli tam nmu ai ni a matu htingrai htingra galaw ya nga ai re. Anhte grau nna, ya ten hta bungli ginlut shamat kau nga sai ni a matu aja awa kyu hpyi garum ya nga ga, hpa majaw nga yang, ndai bungli tam nmu ai, ginlut shamat kau ai lam ni gaw, ya daini na ten byin taw nga ai mayak mahkak lam kaba nan rai nga ai, nga nna tsun lai wa ai.

Bai nna, daini hta, ramma ni amatu, asak kaba sai ni a matu, machyi makaw hkrum ai ni a matu hte hkungran sacremetu hpe kahtet mamawt hkam la sai ginrun ni yawng a matu mung, alak mi myit dum let, missa hkungga nawng jau ya lai wa sai lam, Zenit shiga dap kaw nna shana dat ma ai.

Source: https://zenit.org/articles/pope-francis-celebrates-memorial-of-saint-jos...