Wa Sarabyin: Karai Kasang "Htani Htana Asak Hka Hpawk" Ga Sadi Jaw Da Ai

March 12, Lusha Gam Ladaw (3) ngu na laban shani, San Peter Shawa Pa hta buhkawm akyu hpyi na sa du hpawng de ai ni hpe, Wa Sarabyin Frncis, "Madu a Lamu Kasa Akyu Hpyi Ga" tsun ten, Samaritan num sha kaw hka hpyi lu ai Yesu Madu, anhte hpe htani htana asak hka hpawk jaw na ga sadi jaw da ai lam tsun ai.

Chyum Laika gaw dai shani hti ang ai Yaku hkahtung hta Samaritan num sha hpe Yesu Madu hka hpyi lu, hkrum shaga, sasana galaw, makam masham shangan shakang, sakse hkam myit jaw bang ya, samaritan num sha a sakse hte maren Yesu hte hkrum, Shi a lam na lu, mu lu nna kam sham wa ma ai lam rai nga ai.

Yesu Madu gaw anhte shinggyim masha ni zawn sha hka hpang gara lai wa ai; anhte shinggyim ni zawn kawsi hpang gara lai wa ai; jam jau hkrum lai lai wa ai hpe shadum nga ai.

"Ngai hpang gara nngai" nga nna Yesu tsun ai; tsaw ra myit hpe hpang gara ai. Hpang gara ga ai ni anhte hpe htani htana asak hka ga sadi jaw da ai Yesu Madu rai nga ai.

Hpu nau nau na ni, grau nna kawsi hpang gara ai ni, hpe lu hka jaw lu ga ai zawn, tsawra myit hpe hpang gara ai ni hpe tsawra myit jaw ra ga ai: Karai Mungga hpe hpang gara ai ni hpe Karai Mungga hte jahkru shakat ra ga ai.

Dai ni, anhte ni "Karai Kasang hpe hpang gara ga ai" ngu hpyi ga; sak hkrung nga lu na matu, hka hpe zawn, tsawra myit hpe hpang gara ga ai kun, tinang hkum bai san ga; hpang gara ai hpu nau ni a matu myit ya ga ai kun; Nu Maria gaw anhte matu Karai Kasang kaw hpyi htinglu htinglai ya u ga, ngu tsun shadum let Nu Maria kaw kam hpa nga na matu hpaji jaw n-gun jaw da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2023-03/pope-angelus-the-lord-promises-the-living-water-of-eternal-life.html