Wa Sarabyin: Kaja Ai Yaw Shatawng Shada ai Hta Karai Kasang A Garum Ya Ai Hte Rai Yang Simsa Lam Lu Na

December 8, bat ma mali ya, Mara N Kap Na-um Na-sin Ai Nu Maria Poi shani, Wa Sarabyin Francis, Karai lajang da ya ai simsa lam de gayin wa lu na matu Nu Maria kaw akyu hpyi htinglu htinglai hkam la na matu saw shaga da ai. Grau nna gaw Kuraine hta jam jau nga ai ni simsa lam lu la mu ga matu akyu hpyi ya na matu Wa Sarabyin saw shaga da ai rai nga ai.

Karai Kasang a garum ya ai hte anhte a kaja ai yaw shada lam hkrum matut rau rai yang gaw simsa lam hpe teng sha lu la na re, nga nna Wa Sarabyin, Madu A Lamu Kasa Akyu Hpyi GA tsun ngu ai hpang, pahkam ga tsun da nga ai.

Nu Maria kaw akyu hpyi htinglu htinglai ai lam hpe galaw madun dan ai wenyi lam yan hte seng ai hta mungkan masha yawng jawng shang lawm nga ga ngu nna saw shaga let Ukraine mungdan hta sat kau hkrum ai ni a matu ap nawng ai lam galaw na matu mung Wa Sarabyin Francis saw shaga da nga ai.

Karai Kasang a matu n mai byin ai ngu ai hpa n nga ai; simsa lam gaw Karai Kasang a garum ya ai hte rai yang teng sha lu la na; Raitimung, anhte a myit masin kaja ai hte shang lawm na hpe Shi ra sharawng nga ai nga nna Wa Sarabyin Francis tsun shadum da nga ai.

Nu Maria gaw anhte hpe garum ya nga ai; Karai Kasang gaw anhte a kaja ai myit masin hpe sharawng nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-12/pope-angelus-immaculate-conception-appeal-prayers-peace-ukraine.html