San Francis Xavier Mama Hpung Gaw De Ai ( 125 ) Ning Hpring Jubilee hte Mama tai ai (60) ning hpring Jubilee poi galaw lai wa

Jinghpaw Wunpawng Myu ni kaw nna shawng nnan Francis Xavier Mama tai wa ai Mam kaba Bernard Zinghtung Pri hte Mama kabaPatrica Gawlu Kai Htang yan a  Mama tai ai (60) hpring Jubilee, Mama kaba Rita a Chaw a Mama tai ai (50) ning hpring Jubilee Poi hte San Francis Xavier a Poi nhtoi hpe Myitkyina Jau ginwang (Njang Dung ) Njang Dung San Pawlu Nawku Jawng hta December 03,2022 Bat Kru ya jahpawt 8:00am ten hta  galaw lai wa sai.

Ndai poi hta Myanmar mungdan ting a Saradaw kaba,Myitkyina Saradaw Sasana hpe yu reng woi awn nga ai Wa Saradaw Kaba Cardinal Charles Bo,Myitkyina Saradaw sasana kata na Wa jau ni hte kaga sasana hkan na wa jau ni,Francis Xavier Mama ni marai 100 daram,kaga wuhpung hkan na Mama ni,tara hkaw sara/num ni hte nawku hpung masha marai (1000) jan sa du shanglawm lai wa sai rai nga ai.

Myitkyina Francis Xavier Provincial kaw nna Myitkyina Saradaw ginwang hta Francis Xavier Mama jawng (15), Manmaw Saradaw ginwang hta Francis Xavier Mama jawng (4),Lashio Saradaw ginwang hta Mama jawng (3) hpe Francis Xavier Mama ni marai (120) hte  woi awn yu reng nga nna,Myanmar mungdan hte  hta Francsi Xavier Mama jawng (90) jan nga nna Mama ni marai (453) magam gun hpai nga ai lam chye lu ai.