San Columban Poi Masat Asak ( 15 ) Lawu Juniors Gawdin Ginsup Shing Jawng Poi Galaw

Shatapru jau ginwang kata San Patrick Lawk na ramma ni woi awn let San Columban poi masat dingsat asak ( 15 ) ning lawu Juniors Gawdin ginsup shing jawng poi hpe 2022 ning November ( 21 - 26 ) ya shani du hkra galaw la lu sai. Ginsup shing jawng poi hta jau ginwang kata na, St. Paul lawk, St. Patrick lawk, Ma Yesu lawk, John Paul hte St. Micheal ( Manhkring ) ni shang lawm shing jawng ai rai nga ai.

Tinang a kashu kasha ma kaji ni hpe mungkan hpaji lam hta chye chyang kung hpan wa hkra n gun dat sharin shalat shapan ya ai zawn Wenyi makam masham lam hte hkum hkrang shamu shamawt ginsup lam ni hta mung chye chyang kung hpan wa hkra n gun jaw shalat shapan ya ga.

San Columban poi masat ginsup shing jawng poi lamang ni hpe Jinghpaw Mung Kahtawlik nawku hpung hta buga shara shagu ngu na daram shaning shagu ginsup shing jawng poi kaba ni galaw ya taw ai raitim Covid ana zingli a majaw mung, mungdan nsim sa ai a majaw mung buga shara law law hta n lu galaw mat ai rai nga ai. Ya dai ning 2022 ning hta gaw Myitkyina Saradaw ginwang na jau ginwang n kau mi hte Manmaw Saradaw ginwang kata na jau ginwang n kau mi hta  San Columban poi masat ginsup shing jawng poi hte chyeju dum poi ni kaji kajaw bai galaw ai hpe mu lu ai. 

San Columban gaw Jinghpaw Mung Sasana hpe makawp maga ya na matu san da ai Sanpra ai masha rai nga ai.

Shiga - Julia Ja Ing