Wa Jau Paul Lasang La Hpe Myitdum Let Akyu Hpyi Ya Nga Ga

Daini gaw Wa Jau Paul Lasang La Madu Hta Ban Sa mat ai laning mi hpring ladu hkrum ai shani rai nga ai. RVA hte hkrum shaga ai ten Wa Jau tsun da ai ga ni hpe bai madat n gun la, myit dum shingran let Wa Jau a Wenyi ngwi pyaw ai Sumsing Mungdan hta ban sa nga lu na matu akyu hpyi ya nga ga.

Wa Jau tsun da ai ga ni;

 Myit kaji ai ni yawng gaw Karai Kasang kaw kamsham ai hte sit sa nna garum

hpyi ga.

Nawku jawng de lu sa ai ni gaw chyoipra hkum a shawng kaw yawng a matu

akyu hpyi ya ga.

Chyum mungga hpe atsawm sha hti nna masha ni hpe mung garan kachyan

ai, n gun jaw ai lam galaw ga.

 Rosary hti ai hku nna mung masha ni hpe garum shingtau ya lu ai, dai zawn

rai nna shada da ra ai lam shagu hta garum shingtau hkat na grai ahkyak ai.

 Madu Yesu gaw nanhte hpa mung hkum tsang, ngwi pyaw nga mu ga,

nanhte hpa mung hkum hkrit mu nga nna tsun ai hte mungkan ga htum ai du

hkra ngai nanhte hte rau nga na nga nna tsun da ai re majaw hpa hkrit tsang

nra ai.

 Madu Yesu Hkristu hte anhte rau nga ga, shada da mung garum shingtau

hkat ga, shaloi ru yak jam jau ai hpe anhte teng sha hkam sharang lu na rai

nga ai.

Wa Jau Paul Lasang La gaw Jinghpaw Mung Kahtawlik Sasana a matu  Nawku hpung a labau shang shara ni rai nga ai Alam Akyu Hpyi Wudang Bum hte Mali Nmai Zup na Nu Maria Lung Pu hpe gaw gap da ya ai chyeju madu mung rai nga ai.

By - Julia Ja Ing