Kahtawlik nawku hpung makam masham tara laika sharin Sara/Saranum ni a ningja jat wunkat sharin hpawng galaw nga.

Myitkyina jau ginwang,Sasana ma hpung lit hkam Wa Jau John Dashi Naw Lawn woi awn hpaw sharin ya ai Kahtawlik nawku hpung makam masham tara laika sharin Sara/Saranum a ningja ja jat wunkat sharin hpawng hpe 11-13/10/2022 ya shani du hkra Myitkyina jau ginwang,Dap Kawng (Tatkone ) St.Gabriel's Church Compound hta galaw nga ai rai nga ai.

Ndai ningja jat wunkat sharin hpawng hta Myitkyina,Myo Thit Gyi (St.Micheal ), Chi Hpwi,Mogawng hte Namti jau ginwang ni kaw nna Sara/Saranum ni marai 80 jan sa du sharin hkam la ai ma ai.

Ndai sharin hpawng hpe woi awn ai Myitkyina jau ginwang,Sasana Ma hpung lit hkam Wa jau John Dashi Naw Lawn hku nna ningja jat wunkat sharin hpawng a yaw shada lam gaw "tinang a makam masham hpe ginlen ya ai,nang hpa baw kam sham ai hpe ma ni kaji pang ni grau chye wa na matu ya tara laika hpe sharin ya nga ai Sara/Saranum ni grau nna masan sa wa u ga,grau nna tang du u ga ngu yaw shada let shanhte hpe ningja jat ya ai wunkat re" nga nna tsun ai.

Myitkyina jau Sasana Ma hpung lit hkam Wa Jau John Dashi Naw Lawn kaw nna lai wa sai shaning ni hta gaw laning mi hta kalang tara laika sharin Sara/Saranum ni a wunkat hpe galaw lai wa sai raitim lai wa sai lahkawng ni hta gaw COVID-19 ana hte mung masa lam ni a majaw nlu galaw ai,Dai ning she kalang mi bai galaw lu ai re lam Wa jau John Dashi Naw Lawn tsun ai hku nna chye lu ai.