Indonesia Mungdan, Gawdin Ginsup Pa Kata Masha Kasu Kabrawng Byin Chyat Dang Mat Nna Si Mat Ai Ni A Matu Wa Sarabyin Francis Akyu Hpyi Ya

October 2, laban shani, Wa Sarabyin Francis, Indonesia mungdan, gawdin ginsup pa hta kasu kabrawng byin  nna chyat dang si mat ai ni a matu akyu hpyi ya ai lam chye lu ai.

Sinpraw Java na Malang’s Kanjuruhan Stadium, gawdin ginsup pa hta buga madu ginsup hpung ni sum mat ai majaw poi yu shawa masha ni ginsup pa de htim shang bang wa ma ai shaloi, shimlam ni e myipri hkrat bawm kapaw shamawng dat ai hpang masha kasu kabrawng byin nna pru wa lam hta chyat dang hkala hkat nna si ai masha 125, hkala ai gaw 180 daram re ai lam chye lu ai.

Dai majaw Indonisia's league gawdin ginsup ai lamang hpe jahtring da na matu, Indonesia Mungdan Gum San Magam, President Joko Widodo kaw nna aming order jahkrat da ai lam mung chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-10/pope-angelus-appeals-indonesia-hurricane-florida-cuba-st-peter.html