(5) Lang Na Joint-Diploma Shagrau Sha-A Jawng Yu Poi

(5) Lang Na Joint-Diploma Shagrau Sha-A Jawng Yu Poi Galaw Ai Shiga

 Myitkyina Edin San Luka Chyum Hkawlik hta (5) Lang Na Joint-Diploma Shagrau Sha-A Jawng Yu Poi Hpe September (30) ya shani galaw lai wa ai.

 Dai shani na Wa Saradaw Raymond Sumlut Gam a mungga hta “Kabu gara shiga ngu ai gaw , Wenyi hpe sha hkye na matu nre, masha a prat hkum hkrang myit masin ni yawng hpe hkye na matu,mungga sha hkaw na matu nre,makau grup yin hkan na ru yak jam jau matsan mayan re ai ni hpe mung jaw lu jaw sha ra ai lam” mung tsun da nga ai.

 Dai Shani na Misa hkungga hta Wa Saradaw Francis Daw Tang, Wa Saradaw Philip Lasap Za Hawng hte Wa Saradaw Raymond Sumlut Gam Wajau ni, Mama ni, Deacon ni, Brothers ni, Tarahkaw sara/ma ni hte jawng yu ai ni a  Kanu Kawa ,dum nta masha ni ,makyin jinghku ni sa du let kabu gara let galaw awng dang la lu sai..

 Dai shani jawng yu ai jawng ma ni gaw yawng marai (40) tup re ai.Dai hta Myitkyina Sasana na marai (28), Manmaw Sasana na marai (6), Lashio Sasana na marai (6), rai nga ai.

By: Elizabeth Seng Lawt Lu