Wa Sarabyin: Htawt Sit Nga Hkawm Ai Ni Hpe Hkap Tau La Mu, Manang Tai Ya Mu, Garum Shingtau Ya Mu, Rau Nga Mu!

September 25, laban shani, Wa Sarabyin Francis, Dingda Italy, Matera mare kaba hta Laban Missa nawng jau ai hta, Nawku Hpung masha ni, htawt sit nga hkawm ai ni hpe hkap tap hkalum, manang tai, garum shingtau let rau rai nga mu, nga nna matsun da ai.

“Building the future with migrants and refugees,” shawng lam myit mada shara tawn da let htawt sit nga hkawm ai ni hpe garum shingtau ya nga na matu Nawku Hpung Masha ni hpe, Wa Sarabyin Francis, saw shaga da ai rai nga ai.

"Karai Kasang a masing mahkyen hte maren shawng lam hpe gaw de sa wa lu na matu Karai Kasang hta ga sadi tawn da ga ai hte maren shatsawm jahtap hkrang shapraw sa wa ga, htawt sit nga hkawm ai ni, tsin-yam hkrum masha ni hpe shanhte a shinggyim sari manu hte maren shara jahkrat ya ga. shanhte ni simsa ai hte sak hkrung nga lu mu ga yaw shada let shara jahkrat ya ra ga ai," nga nna Wa Sarabyin shadum da ai.

Myanmar, Ukraine, Cameroon mungdan ni hta simsa lam lu mu ga, mungkan ting garum ya na matu mung, dai shani, Wa Sarabyin Francis saw shaga da ya ai.

"Hpu nau, nau na myit majing hte shawnglam hpe gaw de sa wa ga", nga nna Wa Sarabyin Francis saw shaga da ai rai nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-09/pope-may-we-welcome-accompany-support-and-integrate-migrants.html