Danai Jau Ginwang Kata Hta Shawng Nnan Lang, Mawn Sumli Hpaji Sharin Lamang Galaw La Lu Sai Shiga.

Danai Jau Ginwang Kata Hta Shawng Nnan Lang, Mawn Sumli Hpaji Sharin Lamang Galaw La Lu Sai Shiga.

Ginwang Up Wajau Paul Nbau Zau Lat A, Hpaji Jaw La Ai Hte Rau, Deacon John Npawp Byin Tu Awng Woi Awn Let, Danai Jau Ginwang Ramma Ni A Matu, Mawn Sumli Hpaji Hpe, St. Patrick Nawku Jawng Wang Hta, 19 - 22 Sep, 2022 Ya Du Hkra Awng Dang Ai Hte Galaw La Lu Sai.

Jau ginwang kata na Ramma ni Mawn Sumli hpaji hte nawku daw jau lamang ni hta ap nawng daw jau lu na matu bai,

Ramma ni mawn sumli hpaji hte tinang a prat bawngring lam hta bungli langai hku jai lang lu na matu yaw shada let galaw ai re lam chye lu ga ai.

Sharin ya ai lam hta Ramma ni yawng (15) shang lawm ma ai. Ramma ni a yaw shada ai lam hta Kanu Num hte Kawa La ni mung mai shang lawm lu na matu yaw shada da ai hte maren Kanu Num marai (7) mung shang lawm sharin hkam la ai hpe mung chye lu ga ai.

Ndai Mawn Sumli Hpaji hpe, Sarama Hkawawm Ja Hkawng Hte, Sarama Hkawawm Doi Pan Yen Myitkyina kaw na lung wa let sa du sharin ya ai rai nna, lam amyu myu hku garum shingtau ya sai chyeju madu ni yawng hpe chyeju dum dat ai lam,

Lit la woi awn ai Deacon John Byin Tu Awng shiga jaw la ai kaw na chye lu ai.

#youth

#decoration

#danai-parish

#rvakachinservice