Majan Hta Jai Lang Htum Shama Ra Ai Ja Gum Hpraw Ni Gaw Matsan Mayan Re Ai Masha Ni A Lahpa Hta Sha Mara Hkrum Nga Ai Lam Wa Sarabyin Tsun

Majan gasat ai hta  jai lang htum shara kau ra ai ja gum hpraw ni gaw dai ni na prat dep hka sha-u sha-ing ai lam rai nga ai, ndai jahpu manu hpe anhte a lapran na matsan dik ai masha ni madaw jaw ra nga ma ai, nga nna Wa Sarabyin Francis tsun dat nga ai.

Chyum Laika na, Npawt Nhpang laika (6:5-8;7:1-5,10) hta na Noa a prat sha-u sha-ing ai lam ja chyum Mungga daw hta lakap nna lahta na zawn Wa Sarabyin hkaw tsun lai wa ai lam rai nga ai.

Wa Sarabyin tsun ai hta, “Mungkan hta majan mang hkang ni the kaga tsin yam lam ni hkrum nga ga ai aten yawn hkyen hkrap madai lam galaw chye ai shaman chyeju jaw ya rit ga matu Karai Kasang kaw anhte akyu hpyi la na ra ga ai. Majan a majaw tsin yam hkrum sha ra wa yang tsin yam lam ni hpe law dik hkam mana sha ra ai ni gaw ma kaji ni, gai daw gai da ni hte matsan masha ni rai ma ai.

 Ndai zawn re ait sin yam lam ni hpe mu mada hkrum kadup nga ga aai aten, machyi hkam sha lawm chye ai, tsin yam hkrum masha ni hte myit hpawm chye ai myit lai masa anhte hta rawng ra ga ai.

Shinggyim masha ni a nhkru ai lam ni hpe mu ai majaw shinggyim masha hpe hpan da lai wa ai lam hpe Karai Kasang a myit masin hta npyaw ai lam byin pru ai majaw Mungkan ga kaw nna ye jahkrat kau na Karai Kasang galaw lai wa ai. Anhte a Karai Kasang gaw hkam sha chye ai Karai Kasang rai nga ai. Karai Kasang gaw tsawra chye ai myit masin shamu shamawt chye ai Karai Kasang rai nga ai,” nga nna Wa sarabyin hkaw stun lai wa ai lam Vatican shiga dap kaw nna shana dat nga ai.

Source :Vatican News