Wa Sarabyin: "Liturgy" Nawku Daw Jau Ai Lam Gaw, Mungkan Hte Seng Ai Hpe N Rai, Karai Kasang Hpe Madung Da Ra Ai

September 1, bat mali ya shani, Wa Sarabyin Francis, dinghta mungkan masa lam hku nawku daw jau ai (liturgy) hpe jai lang ai ni hpe ja ja shadum sadi jaw dat nga ai.

Nawku daw jau hkrang masa lam ni gaw Hkristu a mungsung lam ni de woi sa ai, madi madun ai lam rai ra ai, dai hta shani shagu nihtep ai hku matut nga nga ra ai, nga nna Wa Sarabyin shadum da nga ai.

Nawku dau jau ai lam hte seng nna sharing sara (Professors) ni hte tatut hkrang shapraw hkan sa shatut ai (Practitioners) ni hpe, bat mali, organization's foundation, dai wuhpawng kaba hpe gaw de hpang ai manga shi (50) ning hpring ladu hkrum shani, Wa Sarabyin shadum sharin shaga da ai rai nga ai.

Shaning manga shi ning hpring wa sai hte maren Nawku Hpung a nawku daw jau shaning ladaw hpe bai gram shatsawm sa wa ra na re lam mung Wa Sarabyin Farncis tsun shadum da ai.

Aten ladaw hpe sha n re ai, myit sharawng myit galu ai hte makawp da ra ai lam, wenyi lam hte seng nna mung, sagurem masa lam hku chye na hkawn hkrang da ra ai lam hte seng nna mung, matut manoi shapan shalat sa wa ra ai hte seng nna mung grai ahkyak na re lam mung Wa Sarabyin matut tsun shadum da ai.

"Karai Hpaji lam gaw 'synodal style' ngu ai Kahtawlik Saradaw Hpawng masa lam hku rai wa ra ai" nga nna mung tsun shadum da ai.

Nawku daw jau ai lam hte seng nna hka ja la lu na ahkyak ai zaw gaw madat ai lam rai nga ai. Karai Kasang hpe kam sham ai Hkristan wuhpung wuhpawng ni a nsen hpe madat na la, masam maram la ai lam n nga n mai, n galaw n mai rai nga ai.

Nawku daw jau ai lam hte seng nna lit la galaw nga ai ni gaw sagu rem magam hte wenyi lam yan hte seng ai nawku daw jau ai lam gaw n mai jahkra, n mai ginhka da ai, rau rau rai nga ra ai. Nawku daw jau ai lam hte seng nna Karai Kasang a myusha ni kaw du lu hkra galaw ra ai. Nawku daw jau ai hkrang hte shamu shamawt ai kaw nna hkam la lu ai lam ni hpe Nawku Hpung masha shagu kaw shadu ya ra ai, nga nna mung Wa Srabyin Francis shadum da nga ai.

Nawku daw jau ai lam yawng gaw ji woi ji wa ni kaw na yu hkrat wa ai "tradition" hpe mung npawt da nna hkrang shapraw gaw de da ra ai, nga nna mung hpa jahtum shadum da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-09/pope-liturgy-must-look-to-god-without-being-worldly.html