Anhte Gaw Masum (3) Lang Ngu Na Mungkan Majan Lapran Nga Pra Ai Ni Rai Saga Ai Kun

August 31, bat masum ya shani, hpung shawa masha ni hte hkrum shaga ai lamang hta, Wa Sarabyin Francis, majan tsin-yam hkrum Ukraine mungdan masha ni a akyu hpyi ya nna,

mungkan majan byin lai wa ai (83) ning hpring sai lam shadum let anhte gaw masum (3) lang ngu na mungkan majan hpaw hpang ai prat hta nga ai ni rai ga ai, ngu sadi jaw dat nga ai.

Poland mung shawa masha ni hpe madi nna "September 1 ya shani gaw lahkawng (2) mungkan majan hpang ai nhtoi rai nga ai"  nga nna, Sarabyin Francis tsun shadum shana dat nga ai.

"Ndai mahkrum madup lam ni gaw yawng a lapran, nanhte kun dinghku ni a lapran, wuhpung wuhpawng lapran, mungdan lapran, simsa lam hpe gaw de shangang shakang ai tai nga u ga" nga nna mung Wa Sarabyin shadum n-gun jaw akyu hpyi dat ya nga ai.

(2) lang ngu na mungkan majaw, World War II hpe 1939 September 1 kaw hpang ai rai nna, 1945 September 2 ya shani du hkra aten galu byin lai wa ai rai nga ai.

Wa Sarabyin gaw, Ukraine hta aten galu majan byin nga ai hpe myit tsang let, anhte gaw, simsa lam hpe mayu sha wa nga ai/ gasat nga sai "masum lang ngu na mungkan majan, "a third World War" hta nga pra ai ni tai wa saga ai, nga nna sadi jaw da nga ai.

Majan galu byin nga ai Ukraine mungdan a matu anhte a myit masin salum kaw nna nan Nu Maria hpe kam hpa let akyu hpyi htinglu htinglai ya nga na hte, shani shagu mai kaja ai lam hpe lata galaw sa wa na, tara rapra lam hpe lata na, myit hkrum kahkyin gumdin na lam tam nna, myit mada lam, kabu pyaw lam, myit kata kaw nna nan shang lawt ai lam ni hpe shabyin ga, gaw de ga, nga nna Wa Sarabyin Francis, hpang jahtum saw shaga da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-francis-wwii-anniversary-ukraine-war-peace-appeal.html