Nawku Hpung Masha Ni Ginlum Kahkyin Gumdin Na Hte Mungkan Jut Shara Shagu Du Na Lam Cardinal Ni Bawng Ban

August 29, bat langai ya shani, Mungkan ting na Cardinal ni a lahkawng ya zuphpawng hpe Vatican hta galaw hpang ai re lam chye lu ai.

Nawku Hpung ginlum kahkyin gumdin na hte mungkan shara shagu sasana galaw sa wa let Karai Kasang a tsaw ra myit shinggyim masha yawng hpe garan kachyan ya na yaw shada ai re lam chye lu ai.

Wa Sarabyin Francis hte rau bawng ban ai hpawng ndai Cardinal ni a zuphpawng gaw shanhte a lapran hpu nau myit majing hte hku hkau kanawn mazum bawng ban ai hpawng rai nga ai hpe mu mada hkam sha ai lam, Castel di Leva na, Santa Maria del Divino Amore (Our Lady of Divine Love) jau ginwang a ginwang up, Cardinal Enrico Feroci sakse hkam da nga ai.

Ndai lahkawng ya laman hta Praedicate Evangelium, Kabu Gara Shiga Hkaw Tsun Ai lam hte seng nna bawng ban sa wa ai re lam chye lu ai.

Praedicate Evangelium, Kabu Gara Shiga Hkaw Tsun Ai lam hte seng nna Cahtolik Nawku Hpung Rung Daju, Roman Curia a gaw da tara hpe bai gram shatsawm na matu re lam chye lu ai.

Bawng ban ga hpaw lahkawng hte bawng ban ma ai lam chye lu ai: (1) that of communion, Hkristan shada lapran tsaw ra hku hkau lam hpe madung da ai ginlum kahkyin gumdin wa na matu, (2) ndai prat na shinggyim wuhpung wuhpawng ni hta Kabu Gara Shiga shachyam shabra ai hta yak hkak dut dang ai hpe mahkrun lam na sa wa na matu rai nga ai.

Wa Sarabyin hte hkrum zup bawng ban ai mungkan ting na Cardinal ni a zuphpawng hta Cardinal (426) gaw chyinghka la bawng ban ai lam hpe August 29-30 lapran galaw ai rai nga ai.

Madung gaw Apostolic Constitution Praedicate Evangelium, Katawlik Roman Curia gaw da hkrang hte seng nna bawng ban ai re lam chye lu ai.

Bawng ban hpawng hpe San Peter Basilica Nawku Htingnu kaba hta Missa hkungga nawng jau let hpang ai re lam chye lu ai.

Ndai bawng ban hpawng hpe galaw na matu Wa Sarabyin Francis, May 29, laban shani, Madu a lamu kasa akyu hpyi ga tsun ngut ten ndau shana da lai wa sai rai nga ai.

Ndai bawng ban hpawng hta ningnan sha Cardinal tai wa ai Cardinal ningnan ni mung lawm ma ai lam chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/cardinals-discuss-importance-of-church-communion-and-outreach.html

https://www.vaticannews.va/en/pope/news/2022-08/world-s-cardinals-meet-with-pope-to-reflect-on-curia-reform.html