Wa Sarabyin Francis A Canada Mungdan Hpung Kawan Hkrun Lam Nu Maria A Lata Kaw Ap Nawng Da

July 22, bat manga ya shani, Wa Sarabyin Francis, St. Mary Major Basilica Nawku Htingnu kaba hta nga ai, “Salus Populi Romani (latin)” “Salvation of the Roman People” (english) “Roma na masha ni hpe hkye la ai Maria sumla shawng kaw akyu hpyi htinglu htinglai da nga ai.

Wa Sarabyin Francis a (37) lang ngu na Apostolic Journey, maigan mungdan de hpung kawan na nhtoi lahkawng ya jau nna ya na zawn, Roma Basilica Nawku Htingnu kata na Maria sumla nga ai kaw sa akyu hpyi htinglu htinglai let, Canada hpung kawan hkrun lam, Nu Maria kaw ap da ai rai nga ai.

Wa Sarabyin Francis gaw Canada de laban jahpawt daw 9:00 am aten kaw Roma kaw nna, nbungli hte rawt sa wa sai rai nga ai.

Ndai hkrun lam gaw, shawng na laban na “Madu a Lamu Kasa Akyu Hpyi Ga” tsun ai shaloi, Wa Sarabyin Francis, ndau da sai hte maren, “penitential pilgrimage” myit malai shaman chyeju hte mara hkyamsa shaman chyeju hkam la matu rai nga ai.

Ndai hkrun lam a majaw Canada mungdan hta shanu nga ai ni, Karai Kasang a kaw na shamai shatsai ya ai hte mara dat hkyam sa hkam la let prinem lam lu la na hpe Wa Sarabyin Francis, myit mada ai lam chye lu ai.

Hkrun lam gaw July 24-30 laman rai nna, Edmonton, Quebec hte ding dung Iqaluit mare kaba ni de sa du na re lam chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-07/pope-francis-apostolic-journey-canada-saint-mary-major.html