Wa Sarabyin A Canada Hkrunlam hte Shi A Hkam Kaja Lam A Majaw Shawoi Galaw Nga Ai Daw Jau Lamang Ni July Shata Ningra, Gau Ngwi Ai Lam Ni Nga Na

July 1, bat manga ya shani, the Holy See press Office kaw nna tau nau ndau shana hpyi lajing dai ai, Wa Sarabyin Francis Canada de sa na lamang nga ai majaw mung, hkam kaja lam a majaw mung, laban shani galaw ai “Madu A Lamu Kasa Akyu Hpyi Ga” tsun ten na mungga htawn ai lam, bat masum ya shani hpung shawa masha ni hte hkrum shaga lamang ni hte kaga lamang ni htawt sit galaw ra ai  masa nga ai zawn, gan jahkring da ra na re lam hpe Vatican kaw nna shalai ndau da ma ai.

Ndau shana ai hta, hkam kaja lam a majaw hkring la ra na hpe tsi du ni hpaji jaw da ai hte maren, bat masum ya shani galaw ai Hpung Shawa Masha ni hte hkrum shaga ai lamang hpe,  ndai shata hta  gan jahkring da na re lam mung lawm nga ai.

Madung gaw Asak kaba sai Wa Sarabyin Francis, July 24 -30 laman Canada Mungdan de hpung kawan hkrunlam hpe atsawm sha hkawm sa lu na matu tau nau shajing ai hku nna, hkring sa la ra ai majaw mung rai nga ai.

By Fr. Patrick Gawmaw Hkawng Yae