Myitkyina Saradaw Sasana hta Brother Mali hpe Deacon aya jaw

Myitkyina Saradaw Sasana,Myitkyina Aung Nan,San Columban Cathedral Nawku Htingnu hta Brother marai mali gaw Wa Saradaw Kaba Cardinal Charles Bo ( Yangon Sasana Ginwang Up Saradaw) a lata hta Deacon aya hkam la ai poi hpe 2.4.2022 ya  Jahpawt 7:00AM ten hta galaw lai wa sai.

Brother marai mali hpe Deacan aya hkam ya ai poi hta Wa Saradaw Kaba Cardinal Charles Bo ,Wa Saradaw Francis Daw Tang,Myitkyina Saradaw Sasana kata hta magam gun hpai nga ai Wa Jau ni marai (50) jan sa du shanglawm lai wa sai re.

Deacon aya hkam la ai  Deacon ni gaw Alam Wudang Bum jau ginwang,Alam mare hta shanu nga ai Slg. Yawhan Labang Nbawn Li hte Jan.Monica Hkra Shaga Htu Sam a yan a kasha Deacon Andrew Labang Lawt Naw,

Myitkyina,Edin jau ginwang,Edin lawk hta shanu nga ai Slg.Andrew N pawp La Tawng hte Jan.Elizabeth Magawng Nyem Ra ya a kasha Deacon John N Pawp Byin Tu Awng,

Mokuk kaw na (Slg.Angello Chwar Si) the Jan.Lina Byar Tar Mi yan a kasha Deacon Joseph Soe Yan Awng hte

Mokuk kaw na Slg.Htay Lwin hte Jan.Aye Mya yan a shadang sha Deacon Clement Kyaw Htay Oo ni rai nga ai.

Ndai Deadon shata poi hta Myitkyina Saradaw Sasana kata magam gun nga ai Wa jau ni yawng Karai Kasang hta Ga Sadi bai hkam la ai lam mung galaw lai wa sai re.Wa Jau ni a Ga Sadi hkam ai lam gaw shaning shagu galaw ai lam mung rai nga ai.Bai nna Chyoipra ai Sau (Kashin Kamun sau, N gun shaja sau, Namman Chya Sau) shaman ai lamang mung galaw lai wa sai re.

Deacon Aya hkam la sai Deacon mali a magam gun ang shara ni hpe mung Wa Saradaw Kaba Cardinal Charles Bo kaw na ndau ya sai.

Deacon Andrew Labang Lawt Naw gaw Edin jau ginwang,Deacon John N-Pawp Byin Tu Awng gaw Danai jau ginwang,Deacon Clement Kyaw Htay Oo  gaw Shatapru jau ginwang,Deacon Joseph Soe Yan Awng gaw Myitkyina jau ginwang ni hta magam gun sa wa na re lam chye lu ai.