Zavery Sewing Center ( Fashion & Design ) Sharin Jawng ( 3 ) Ning Hpring, Chyeju Shakawn Misa Hkungga Hpe,Galaw La Lu Ai Shiga

Zavery Sewing Center

( Fashion & Design ) Sharin Jawng ( 3 ) Ning Hpring, Chyeju Shakawn Misa Hkungga Hpe,

Wasaradaw Philip Lasap Za Hawng ( Lashio Sasana ) kaw na woi awng let, Myitkyina Njangdung St.Paul Nawku Jawng hta, Wajau ni, Mama ni, sharin dabang lung jawngnum ni, saw shaga da ai hpung masha ni hte rau, awng dang ai hku galaw la lu saga ai.

31 Jan, 2022 ( Bat 1 Ya )

Ndai Rai Chywi Sharin Jawng hpe,( 11 Feb, 2019 )Ning hta, Zavery Sewing Center ngu nna, hpaw hpang sa wa ai rai nna, Rai Chywi hpaji hpe myit lawm nga ai Ramma ni hpe, shapan shalat ya ai jawng mung rai nga ai lam hpe, chye lu ai.

Zavery Sewing Center ( Fashion & Design ) Jawng hpe, Njangdung St. Paul Nawku Jawng Wang Kata, St. Francis Xavier Mama Wuhpung kaw na, Mama Cecilia Malang Hkawn Yi ( S.F.X ) kaw na lit la woi awn nga ai lam hpe mung chye lu ga ai.

Ndai sharin jawng hta, Shata ( 3 ) numdaw Lahkawng hte, yawng rai yang shata ( 6 ) sharin ya nga ai rai nna, sharin ya nga ai saranum marai ( 8 ) nga ai hte, ndai jawng wang hta, yup sha nga let, sharin nga ai jawng ma hte, shingan, dum nta kaw na sa lung ai jawng ma ngu nna, sharin ya taw nga ai lam hpe mung chye lu ga ai.

Ndai Zavery Sewing Center ( Fashion & Design ) Sharin jawng hta, Rai Chywi myit lawm nna, sa du sharin hkam la mayu ai ni gaw,

Mama Cecilia Malang Hkawn Yi ( S.F. X ) Hpang de matut mahkai mai ai lam hpe mung, kabu hpa shiga jaw dat ya lu ga ai.

Matut Mahkai na Phone Hkringdat - 09454883062, 09976056381, 09763313297 ni rai nga ai.

#localnews

#zaverysewingcenter

#fashion&design

#st.paulchurch

#njangdung