Wa Sarabyin Francis a Greece Mungdan Sasana Hkrunlam (first day)

Wa Sarabyin Francis gaw Cyprus mungdan de December 2, bat mali ya shani hkawm sa let dai shani shana daw maga kaw nna December 4, bat kru ya shani du hkra Cyprus mung shawa masha ni hte hkrum shaga ai lamang ni hpe galaw lai wa sai. Dai ngut ai hpang, December mali ya shani Greece mungdan Athens mare kaba de matut hkawm sa wa ai.

Greece mungdan, Athens na presidential palace hta, Wa Sarabyin Francis, shi a sharin shaga ai “exhortation in his address to the authorities, civil society and the diplomatic corps of Greece hpe mung ndau shana ya ai.

Greece mungdan, grau nna Athens mare kaba ngu ai n nga ai rai yang gaw Europe dan gaw ya na zawn rawt jat galu kaba wa lu na n re, ngu mung madi madung da ai. Athens gaw labau hta grai nan ahkyak lai wa ai shara langai rai nga ai.

Greece mungdan hta Chyoi Pra Ai Wenyi a nhtoi shingkawng gaw ningnan re ai Wenyi yu hkrat wa ai “new Pentecost” rai wa u ga ngu mung Wa Sarabyin akyu hpyi da ya nga ai.

Greek Kahtawlik hpung masha ni San Pawlu a kasi kamang hpe hkap la hkan sa wa na matu mung matut saw shaga da ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-12/pope-francis-apostolic-visit-greece-authorities-discourse.html

https://www.vaticannews.va/en/pope/news/2021-12/pope-may-the-spirit-be-poured-out-on-us-in-a-new-pentecost.html

https://www.vaticannews.va/en/pope/news/2021-12/pope-encourages-greek-catholics-to-follow-st-paul.html

https://www.vaticannews.va/en/pope/news/2021-12/video-highlights-pope-francis-day-one-apostolic-journey-greece.html