Hka Yawm Wanhkut Hpe Sadi Ga

Tsawra hkungga ai shiga madat nu wa hpunau ni daini na lamang hta gaw malut hka yawm wanhkut hpe sadi ra na lam kalang mi bai tsun shadum ya mayu ai. Hpa majaw nga yang ndai malut hka yawm lu ai shing nrai hka yawm wanhkut marawp ai gaw masha hkum hkrang hte hkamja lam hpe grai hkra machyi shangun nga ai re. Malut hka yawm gaw hkum hkrang hpe hpa akyu mung n jaw ai,hten za hkra machyi lam sha byin shangun ai re nga tim masha law law wa ndai malut hka yawm hpe lu shamawng taw ai majaw hka yawm n lu tim wan hkut marawp hkam ra ai makau na masha ni du hkra, hkra machyi hkrum ra taw nga ai gaw masha law law a matu koi yen lu na yak hkak lam langai rai taw nga ai.

Tinang hkum nan hka yawm n lu ai raitim hka yawm lu ai masha a makau kaw nga nna dai masha wa lu shamawng dat ai hka yawm wanhkut hpe marawp hkam ra ai masha ni gaw hka yawm lu ai masha ni zawn hka yawm a hkra machyi lam hpe hkrum sha ra ai rai nga ai.

Lamang tang madun ai - Julia Ja Ing