Anhte Simsa Lam Hpe, Ra Sharawng Jang, Hpa Majaw Karai Kasang Hpe Ra A Ta? ( Cathechism )

“ Ngwi pyaw ai gaw, ngai nanhte hta da ya ma sa de ai; nye a ngwi pyaw ai nanhte hpe ngai jaw ma de ai: Mungkan ga na ni jaw ai zawn, ngai nanhte hpe jaw ma de ai nrai ( Yh. 14 :27 )

Anhte Simsa Lam Hpe, Ra Sharawng Jang, Hpa Majaw Karai Kasang Hpe Ra A Ta?

Simsa lam gaw shinggyim masha garai ntai ai kaw nna, Karai Kasang Shabyin da sai lam re. Karai Kasang nlawm ai sha, simsa lam tam shakut ai wa kadai mung anhte paradisu kaw  nnga sai, anhte mara lu ai ni rai ga ai ngu myit la na re. Mungkan ga ntsa e simsa lam nnga ai gaw, Karai Kasang hte shinggyim masha lapran myit hkrum ai lam ayai mat ai kum la rai nga ai.

Shyinggyim masha a labau gaw adip arip roi sha ai, lachyen ginhka ai, du daw sai hkaw ai lam nga nga ai, Shinggyim masha ni gaw, mara a majaw sum mat ai simsa lam hpe galoi mung marit nga ai, dai re majaw myit kraw kata kaw azim sha rai nna, Karai Kasang hpe galoimung marit nga ai.