Putao - Hkawng Lang Hpu Mawdaw Lam Hkrang Sai

Hkawm wa hkawm sa hkrun lam yak ai shara rai nga ai Jinghpaw Mung, Putao, Hkawng Lang Hpu Mare de lani mi hte du hkra sa du mai sai lam buga masha ni tsun ai hte maren chye lu ga ai.

Lai wa saiten nhtoi 10 ya daram hkawm ra ai Putao hte Hkang Lang Hpu lapran ya ten 1 ya, 2 ya hte du mai sai re lam, Lai wa sai bat September shata 14 ya shani n Mitsubishi Pajero 4WD mawdaw langai Mare du hkra lu gawt du wa ai dsai lam chye lu ai.

Mawdaw lam htu magam bungli galaw hpang wa ai shaning 5 ning jan na mat ai hpang 2021 September shata 3 ya shani Hkawng Lang Hpu de mawdaw lam hkrang wa ai re

NLD Asuya Uphkang ai lakhtak 2016  Ning December shata 24 ta shani kawn La Pyae Wun Company hte seng ang ai Asuya rung ni kawn  lit la nna mawdaw lam htu magam bungli galaw hpang wa ai shaning 5 ning jan na mat ai hpang 2021 September shata 3 ya shani Hkawng Lang Hpu de mawdaw lam hkrang wa ai re lam chye lu ai.

Mawdaw gawt lung ai wa ai ten Putao hte Magwiza lapran hkying hkum 3 minutes 40, Magwiza hte Ridam lapran hkying hkum 3, Ridam hte Hkawnglang Hpu lapran hkying hkum 2 minutes 10 gawt wa ra nna yawng pawng yang Putao kawn Hkawng Lang Hpu Mare du hkra hkying hkum 9 ram na ai lam chye lu ai.

Putao – Hkawng Lang Hpu lam gaw hkawm wa hkawm sa grai yak ai shara rai nna yinam ta ten hta rai yang  mala shala yak ai hte hkali hkala jahkring hkring byin ai shara re ai lam, Lam lapran deng 115 galu ai rai nna, 2005 ning ram du hkra Lagaw leng Cycle kadai mung n jawn ma ai lam, Asuya kawn Jeep mawdaw 2 hpe Haski nbungli hte htaw wa nna Mare kata tsi dap kaw htawwa htawsa lang ga sai lam, ya gawt du wa ai Mawdaw gaw Hkawng Lang Hpu Mare de numbat langai lang lam dingyang gawt lung ai mawdaw re hpe chye lu ai.

Mawdaw lam htu ngut sai raitim, Bum ,mayan hkan n lung nlu nep shi ai re majaw ya ten hta gunrai htaw mawdaw ni hte masha law law htaw ai mawdaw ni n mai lai shi ai lam chye lu ai.

Ya na zawn mawdaw lam hkrang wa ai majaw Hkawng Lang Hpu Ginwang hta nga sa lam grau grau  rawt jat galu kaba wa sana re nga nna Buga masha ni tsun nga ma ai re.

Source : NUM, Wunzup News