Wa Sarabyin: French Mungdan Na Wa Jau Olivier Marie Sat Hkrum Ai Hte Seng Nna Sharung Shayawt Let Myit N Pyaw Ai Lam Tsun

August 8, laban ya shani, French mungdan na Wa Jau Olivier Maire, SMM, gaw shi hpe garum taw nga ai masha langai e mayun sat ai hpe hkrum lai wa ai lam chye lu ai.
Wa Sarabyin Francis, bat masum ya shani, hpung shawa masha ni hte Vatican, Pawlu II hkaw hta hkrum shaga ngut ai hpang wa mat ai kaw na gade n na jang jang bai pru sa wa nna laban shani sat hkrum ai Wa Jau Olivier Maire a matu sharung shayaw, myit n pyaw ai lam tsun let shawa masha ni hte rau shi a matu akyu hpyi ya lai wa ai lam Vatican Shiga Dap kaw nna ndau da ma ai.
Wa Sarabyin Francis, shi hkum nan mung, gade n na shi a aten hta, French mungdan a tara shang laika masat dazik baw kap ai laika sumpu hta sinat pala masum rawng ai hte jahkrit hkrum lai wa ai rai nga ai.
Asak 61 ning rai sai Wa Jau Maire gaw French provincial superior of the Montfort Missionaries (the Company of Mary) rai nga ai. Shi sat hkrum ai re lam hpe “the country’s Interior Minister Gerald Darmanin kawn, August 9 ya shani, tara shang ndau da nga ai.
Wa Jau Maire sat hkrum ai shara gaw Sinna France mugdan, Saint-Laurent-sur-Sevre, a commune in the Vendee department hta re rai nga ai. Dai mare gaw San Louis-Marie Grignion de Montfort Nawku Htingnu hpe gaw gap da ai shara hte dai gaw gap da ai wa hpe lup da ai shara, San Yawhan Pawlu II mung 1996 shaning hta sa du mungga hkaw tsun lai yu sai shara re lam chye lu ai.
Wa Jau Olivier Maire hpe sat ai masha ngu nhten ai wa mung Wa Jau sat hkrum ai aten hta nan shi hte rau rai nga ai lam chye lu ai. Dai wa a mying gaw Rwandan hta dai daw ai, Emmanuel Abayisenga (asak 40) re ai ngu shiga ndau ai ni tsun da ma ai ngu CNN Shiga Dap kaw tsun da ma ai. La Croix tsun dan ai hte maren nga yang Wa Jau hpe sat ai Abyisenga gaw Roma de Nantes wuhpung hte rau sa du ai re lam chye lu ai. Shi gaw htawt sit nga hkawm ai wa rai nna Hkristan wuhpung ni e makawp maga da ai hpe hkam la lu ai rai nna, 2012 shaning hta dai mare kaba de du wa ai re lam Kahtawlik shi laika ni hku chye lu ai.
Wa Jau Maire hpe sat ai wa gaw 2016 shaning hta Wa sarabyin Francis hte Vatican kaw hkrum yu sai wa re lam La Croix tsun da ai hta chye lu ai nga nna mung CNN Shiga da kaw tsun da ma ai.
Wa Sarabyin Francis hkum nan Wa Jau Olivier sat hkrum ai majaw yawn lahpu hpu laika shagawn dat ai lam mung chye lu ai.
Nawku Hpung woi hpa-awn Wa Sarabyin hte Saradaw, Jau, Ma Ma, Deacon, Borther, Ma Ma ni a matu ja ja akyu hpyi ya nga ga.

By Fr. Patrick Gawmaw Hkawng Yae
#vaticannews
#cnanews
#thetabletnews
#brunoretailleau
https://www.vaticannews.va/en/pope/news/2021-08/pope-francis-laments-mur...
https://www.catholicnewsagency.com/news/248650/pope-francis-saddened-by-...
https://thetablet.org/pope-francis-extends-his-condolences-after-murder-...