Pahtein Saradaw Ginwang, Kahtawlik Sasana Magam Hpe Woi Awn Lit La Na Wa Jau Hpe Lata San Da Ai Shiga

Pathein Saradaw Ginwang a Amu Madu (Chancellor) Wa Jau Florence Awng Kyaw Oo a ndau laika hta, 2021 July 26 ya shani kaw nna, Saradaw ningnan hpe bai lta san da lu ai nhtoi shani du hkra, Pathein Saradaw Ginwang a Sasana magm (Diocesan Appostolic Administrator of Pathein) hpe woi awn na matu Wa Jau Henry EilKlein hpe lata san da sai re lam chye lu ai.

Lai wa sai July 22, bat mali ya shani jahpawt daw hkying 6:15 am, aten hta Hkristu hta yup ban sa wa sai (Wa Saradaw John Hsane Hgyi) a hkum tsawp moi mang hpe makoi mayam ngu ai hpang Pathein Saradaw Ginwang a jahkrup bawngban hpung (The College of Consultors of Pathein) hta lawm ai Jau kaba ni myit hkrum daw dan lata san nna, lit shatsam ai re lam Wa Jau Awng Kyaw Oo (Chancellor) a ndau laika hta tsun a nga ai.

Anhte Myanmar mungdan kata, Saradaw Ginwang law law hta Saradaw Ginwang n lu byin nga ai majaw, Ginwang Up Saradaw ni alawan hkam la lu na matu tsaw ra ai Kahtawlik Nawku Hpung masha ni yawng akyu hpyi shakut nga ga ngu RVA Jinghpaw Nsen Shapoi Dap magam gun ni saw shaga dat ga ai.

By Fr. Patrick Gawmaw Hkawng Yae

Source

#mknpriestlyfamily

#rvakachinservice