Mungkan Tsin-Yam Hkrum Masha Ni A Nhtoi, “World Refugee Day” Hta Htawt Sit Nga Pra Hkawm Ai Ni Hpe Garum Na Matu Ndau Ai Lam

June 20, World Refugee Day, gaw htawt sit hkawm ai ni hte tsin-yam hkrum masha ni hpe makawp maga na hte shanhte hpe garum shingtau ya na matu anhte hpe shadum shadut ya nga ai. Ndai laban gaw htawt sit hkawm ai African na masha marai (40) Spain mungdan Canary zinglawng hta shanhte a li hte rap nga yang li dagup mat ai raitim shanhte hpe hkye la lu ai. Raitim, shanhte kaw nna marai mali (4) hpe gaw n lu hkye la dat ai. Dai marai mali hta la sha ma langai hte ma hkum hte re ai ma kanu langai mung lawm ai rai nga ai, ngu Vatican Shiga Dap kaw nna ndau da ma ai.

Masha law law wa shadut shagyeng hkrum ma ai majaw hprawng hkawm ra ma ai

Lai wa sai bat mali ya shani UN Refugee agency (UNHCR) kaw nna ndau ai hta masha law law wa tinang a dum nta hpe kau da nna hprawng hkawm ra ma ai lam, wan 82.4 a lahta de nga ai masha ni, majan a majaw, dawsa ai lam, gumshen ai lam, dut sha ai lam, zingri zingrat ai lam ni a majaw tinang a dum nta ni hpe kau da let hprawng yen nga pra hkrum ra ma ai lam, nkau ni nga yang shanhte asak hkrung nga lu na matu sha pyi dum nta kaw nna hprawng hkawm nga ra ma ai lam chye lu ai.

Tsin-yam hkrum htawt sit hkawm ai ni hpe makawp maga ra na lam mung UN Refugee agency (UNHCR) shadum da nga ai.

Daining gaw Mungkan tsin-yam masha ni a nhtoi (20) lang ngu na ladu hkrum shaning rai sai rai nna, 1951 shaning a Refugee Covention (70) ning hpring ai shaning mung rai nga ai.

Anhte langai dum hprang ra ai gaw Mediterranean panglai hta shaning kaba nga taw sai masha ni si htum wa ma ai majaw htum mat mat ai ni mung nga nga sai hpe mu lu nga ai. 2021 shaning hta sha masha 13,000 daram tinang mungdan de bai htang wa ma ai raitim, shanhte ni roi rip zingri zingrat hkrum nga ma ai, dut sha hkrum nga ma ai ngu Ms. Bodeux (Caritas Europa) sawk sagawn tang shawn da nga ai.

Mungdan hta shang shingbyi lu na matu hte shinggyim sari makawp lu na matu pat shingdang da ai ripkawp tara shakum, nhpan, ni hpe gaw shachyaw na malai, htawt sit shanu shingbyi loi ai tara chyinghka ni hpe madaw gaw gap sa wa ga ngu, daining na “World Refugee Day” hta Caritas Europa kawn hpyi shawn ma ai lam, ndai gaw Wa Sarabyin Francis ra sharawng myit kaba hte hpyi shawn da lam rai nga ai “globalization of indifference” Mungkan ting yawng maren mara sha rai nga ai, shai hkat ai lam n mai nga ga ai” ngu tsun da ai hpe hkap la hkan sa ai mung rai nga ai ngu Vatican Shiga Dap kaw nna ndau da ya ma ai.