Shanglawt Ginra De Na Tsang 10 San Poi Mahtai Hpe May shata 22 Ya Shani Ndau Na

Wunpawng Mungdan Shanglawt Asuya Hpaji Jawng ni a 2020-2021 Hpaji ladaw tsang 10 san poi mahtai hpe 2021 May shata 22 du na bat 6 ya shani ndau ya na re lam chye lu ga ai.

Dakkasu shang sanpoi awng pru mahtai hpe san poi htai wa ai jawng shagu hta ndau  shapraw da ya na rai nna Laiza FM hte Laiza TV ni kaw nna mung ndau shana ya na re lam chye lu ai.

KIO uphkang ginra kata Lahta Tsang Hpaji Jawng yawng (7) nga ai rai nna, san poi san jep ginra hpe shara (6) masat san jep ai lam galaw ai re hpe chye lu ga ai.

2020-2021 hpaji ladaw shaning Shanglawt Ginra Dakkasu Shang tsang 10 san poi htai da ai jawng ma marai 831 nga ai rai nna san poi ngut hkra n htai ai jawng ma marai 5 sha nga ai lam, san poi san jep ai hpe 2020  April shata 12 ya shani kaw nna April 19 ya laman galaw lai wa ai rai nga ai.

Source : Laiza FM

Thomas