Wa Sarabyin: Shangai Shaprat Wa Na Masha Asak Hpe N Hkap La Ai Wuhpung Wuhpawng Gaw Prat N Galu Ai

May 14, bat mali ya shani Italay mungdan, Vatican makau Auditorium della Conciliazione hta galaw ai “Gerneral States of Birth” ga baw ginlam hte zuphpawng hpawng ai hta “myit hkrum rapra ai a ahkyak ai lam, ma shangai shaprat ai shadang hpe n masat da ai sha shatsaw ra ai lam, kun dinghku shagu hpe makawp maga ra ai lam, prat ban shagu ma shaprat sa wa ra ai lam” Wa Sarabyin Francis shadum n-gun jaw da ai hpe Vatican Shiga Dap kaw ndau da ma ai.

Zuphpawng hpe “Forum for Family Associations” kawn zinglum let galaw ai rai nna Italy mungdan kata na hpaji ninghkring ni hte rau Prime Minister Maria Draghi mung shang lawm ai lam Vatican Shiga Dap tsun da ai.

Italy mungdan rawt jat wa na matu shinggyim asak kaw nna hpang ra ai ngu Wa Sarabyin shi a mungga hta tsun da ai.

Ma shangai shaprat ai madang hpe shatsaw ra ai,

Kun dinghku shagu hpe makawp maga ra ai,

Prat Ban Shagu Ma Shaprat Ai Lam Nga Ra Ai,

Hpaji Jawng ni hpe shagren ra ai,

Ginlung kahkying gumding lam nga ra ai,

Ma Shangai Shaprat Lam N Nga Yang Shawng Lam Myit Mada Shara Mung N Nga Ai, ngu Sarabyin Francis shadum n-gun jaw da nga ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-05/pope-francis-general-state-of-births-italy.html