Myitkyina Kaw La Salette Mama Marai Hkawng Htani Htana Mama Tai Na Ga Sadi Hkam La

La Salette Mama Wuhpung (Sisters of Our Lady of La Salette) kaw na Sr.Stella Hpauda Hkawn Ja hte Sr.Theresa Lahkri Seng Hkawn Mai yan gaw htani htana Mama tai let Karai a magam gun na matu ga sadi hkam la da ma ai.

Sr.Theresa Lahkri Seng Hkawn Mai (SNDS ) gaw Myitkyina Jau Ginwang hta shanu nga ai Lahkri Gum Rat hte Lazum Bawk Hkawn yan a shayi sha alat rai nga ai. 2007 ning kaw La Salette Jawng de sa wa nna 2008 ning hta Aspirant (ဝင်လိုသူ ), 2010 ning hta Postulant (တောင်းခံသူအဆင့်) hte France Mungdan La Salette Mama Jawng ( La Salette-Fallavaux ) Ginjaw de sa nna 2011 ning hta shanghkam ladaw Novitiate Wenyi hte seng ai lam sharin la nhtawm Myanmar Mungdan na Dakkasu Jawng ngut ai hpang 2013 ning hta Temporal Profession (ယာယီသစ္စာခံ) Ma Ma tai wa ai rai nga ai. 2019 ning hta Perpetual Profession (PPP) ngu ai prat tup na matu Wenyi lam sharin lajang la nhtawm dai ni ga sadi hkam la ai re lam chye ju ga ai.

Sr.Stella Hpaudau Hkawn Ja (SNDS) gaw Katha Jau Ginwang na Hpaudau Seng Awng hte Monica Gawlu Mona yan a kasha rai nna, 2007 ning hta Aspirant (ဝင်လိုသူ ), 2008 ning hta Postulant (တောင်းခံသူအဆင့်) hte France Mungdan de sa nna , 2010 ning hta shanghkam ladaw Novitiate Wenyi hte seng ai lam sharin la nhtawm Myanmar Mungdan na Dakkasu Jawng ngut ai hpang 2014 ning hta Temporal Profession (ယာယီသစ္စာခံ) Ma Ma tai wa sai rai nga ai. 2019 ning hta Perpetual Profession (PPP) ngu ai prat tup na matu Wenyi lam shata mi sharin lajang la nhtawm dai ni ga sadi hkam la ai re lam chye lu ga ai.

Mama yan a ga sadi hkam la ai Misa Hkungga hpe Wa Jau Kaba Vicar General Dr.Peter Hka Awng Tu hte Wa Jau ni woi awn galaw nna La Salette Mama Wuhpung ting a malai Myanmar Mungdan na La Salette Mama kaba Mary Hka Raw a shawng kaw ga sadi hkam, lata masat htu let htani htana Mama tai wa masai rai nga ai.

#LaSalette #sisters #rvakachin