Myitkyina De St.Francis Xavier Brother Ni Sasana Shang Ai (25) Ning Hpring Lamang Galaw

Myitkyina Sasana De St.Francis Xavier Brother ni Sasana shang magam gun hpang ai (25) ninghpring gumhpraw jabali masat lamang hpe Myitkyina Mare, Rambo Lawk Xavier Brother ni a jawng wang nta hta 2021 May 8 ya shani galaw lai wa sai lam chye lu ga ai.

Xavier Brother Wuhpung ni gaw htani htana Brother tai nna Nawku Hpung a sasana magam lam hta ap nawng magam gun daw jau nga ai ni rai nna, Jinghpaw Mungdaw de  1988 ning kaw du shang wa let sasana magam galaw hpang ai re lam, ya ten Jau ginwang 6 kaw matut magun gun nga ma ai.

Myanmar Mungdan  hta Xavier Brother 1942 ning January shata hta  Mawlamyine kaw nga hpang wa nna de hpang Patein, Mayan Chaung hta ginjaw tawn da let ya dai ni du hkra  Myanmar Mungdan Saradaw Ginwang 12 shara shagun hta sasana magam gun nga ma ai re hpe chye lu ai.

Jabali Poi lamang galaw ai lam hte Xavier Brother ni a lam hte seng nna Yangon kawn du sa wa ai Brother Richard Zahkung Tu Lum gaw ya na zawn tsun lai wa ai.

Brother tai mayu ai gara hku matut mahkai let sa wa mai ai ngu ai lam hpe mung Brother Richard kawn RVA hte san htai galaw ai shaloi tsun da nga ai.

Brother Zahkung Tu Lum gaw RVA kaw 6 ning (2004-2009) ap nawng magam gun lai wa sai rai nga ai.