A Lu Ai Marai Sanit (7) Hpe San Pra Masha Tang Na Matu Wa Sarabyin Hkyen Lajang Nga Ai Lam

Wa Sarabyin: A Lu Ai Marai Sanit (7) Hpe San Pra Masha Tang Na Matu Hkyen Lajang Nga

  May (3), bat langai ya shani, Cardinal ni a sawk sagawn madi shadaw lawm ai a marang e Wa Sarabyin Francis kawn San Pra masha marai sanit (7) bai tang na matu hkyen lajang nga sai lam chye lu ai.

  Vatican kaw na the Apostolic Palace kata nga ai Consistory Hall hta laban bat langai ya shani zup hpawng sawk shagawn let shagrin da ai rai nga ai.

  San Pra masha tang hkrum na ni gaw (1) A Lu Ai Lazarus Devasahayam Pillai, (2) A Lu Ai Charles de Foucauld, (3) A Lu Ai Cesar de Bue (Jau), (4) A Lu Ai Luigi Maria Palazzolo (Jau), (5) A Lu Ai Giustino Maria Russolillo (Jau), (6) A Lu Ai Maria Francesca di Gusu (Ma Ma), (7) A Lu Ai Maria Domenica Mantovani (Ma Ma) ni rai ma ai.

  A Lu Ai Lazarus Devasahayam Pillai gaw India mung masha rai nna makam masham a majaw sat hkrum ai wa rai nga ai. Jesuit jau langai a marang e (1745) shaning hta Kahtawlik makam hpe lu la ai rai nna (1749) shaning hta rim hkrum ai hte (1752) January (14) ya shani gap sat hkrum ai wa rai nga ai. Shi gaw India mungdan kaw na hpung masha ni hta na shawng ningnan San Pra Masha shatai hkrum na wa rai nga ai.

Translated by Fr. Patrick Gawmaw Hkawng Yae

#vaticannews

#rvakachinservice

Source;Vatican News