Chyoipra Ai Manga Ya Shani Na Nawku Dawjau Ai Lam

Shadum Ai Ga:

Dai ni gaw, Madu Yesu jen noi si hkrum ai hpe myitdum ai Chyoipra Ai Manga Ya Shani rai nga ai. Shinggyim masha ni gaw, shanhte a Karai Kasang hpe zingri zingrat nna,sat kau manu ai lam hpe mau ai hte myit dum let shana Nawku Magam hta lawm nga ga ai.

Rai timung, sharung shayawt ai a lapran e awng dang ai kumla dan pru nga ai.Kashin kamun hkam la jang, Madu Yesu hte rau si hkam nna,Karai Kasang a asak nnan hte bai rawt saga ai, nga nna San Pawlu sharin ai, rai yang ; Madu a si hkam ai gaw anhte nan si hkam ai hte maren rai nga ai.

Udang Hpe Shagrau Ai :

Yesu a Udang hpe hkungga lara di ai. Udang ntsa e si hkam ai du hkra Madu Yesu gaw anhte hpe tsawra da wu ai majaw, lahput hput di nna chyeju dum ai myit hte nawku ga ai.

Shiga - Julia Ja Ing