Mandalay Saradaw ginwang na hpung masha ni, mungdan simsa lam a matu 3 lang ngu na akyu hpyi lam hkawm lamang galaw

Mandalay Saradaw ginwang na hpung masha ni, mungdan simsa lam a matu 3 lang ngu na akyu hpyi lam hkawm lamang galaw

Myanmar mungdan simsa lam a matu Mandalay Saradaw ginwang kata na hpung masha ni kawn, simsa ai masa hte lam hkawm akyu hpyi lamang hpe Feb 25 bat Mali ya jahpawt, Mandalay mare kaba hta galaw lai wa ma ai.

“Ndai lamang gaw mungdan simsa lam a matu 3 lang ngu na akyu hpyi lam hkawm ai lamang re, 4 lang ngu na akyu hpyi lam hkawm lamang hpe mung du wa na Feb 28 ya shani matu galaw na lamang nga ai” nga nna RVA Myanmar shiga dap kaw nna tsun dat nga ai.

“Ndai akyu hpyi lam hkawng ai lamang gaw hpung masha ni kawn nna woi awn galaw ai lamang re, Jau Mama Brother ni law law mung shang lawmw lai wa ma ai. Ra sharawng ai lam ni hpe jahtau maraw ai lam ni n galaw ai, mungdan simsa lam a matu Rosari hti akyu hpyi ai, Nu Maria mahkawn ni hpe mahkawn shakawn lam ni galaw ai re,” nga nna RVA Myanmar nsen shapoi dat kaw nna shana da nga ma ai.