Wa Sarabyin: Mungkan Simsa Nhtoi Mungga, “Yu Lakawn Ai Lam N-nga Ai Rai Yang Simsa Lam Nga Na N-re”

Du na ra ai shaning nnan, 2021, January 1 ya shani, galaw na, (54) lang ngu na “World Day of Peace,” Mungkan Simsa Nhtoi Mungga hpe Wa Sarabyin Francis, shinggyim kanawn mazum lam hte seng ai Nawku Hpung a sharin shaga ai ni rai nga ai, yu lakawn lamawn ai htung lailen hpe shada da lapran shatsaw ai hku, wuhpung wuhpawng ni a lapran hta, mungdan langai hte langai lapran hta, nau na majing myit jasat hte tara rap ra lam hte simsa lam hpe asak jahkrung na ai lam, bai yu lahkawn laman ai lam nnga ai rai yang simsa lam hpe gaw de lu na n re ai lam, Wa Sarabyin shi a mungga hta tsun shadum da ai.

“World Day of Peace,” Mungkan Simsa Nhtoi hpe 1967 shaning hta Wa Sarabyin San Pawlu VI kawn January 1 ya shani masat shagrin da ya ai rai nna, 1968 shaning January 1 ya, shaning nnan shani kaw nna galaw hpang wa ai lam chye lu ai.

“Yu lakawn lamawn ai lam gaw simsa lam de woi sa ai re ngu Wa Sarabyin shi a mungga ginlam ga baw hpe jaw da ai. Dai ga baw hte Mungdan Asuya ni, mungkan wuhpung wuhpawng ningbaw ningla ni, wenyi lam woi hpa-awn ni hte makam hpung ni yawng hta lawm nga ai shinggyim masha ni simsa lam hte seng ai sumru hpa mungga ga baw rai nga ai.

Chyam Bra Ana Tsin-yam kaw na sharin la lu ai lam ni

Covid – 19 tsin-yam a majaw lamu marang nhtuk ai lam ni, malu masha ni, sut masa lam ni hte htawn sit nga hkawm ra ai mayak manghkang ni hpe byin shangun ai rai nna, de a akyu gaw shinggyim masha ni hpe myit n pyaw hpa lam ni hkam sha shangun nga ai.

Dai majaw Mungdan ningbaw ningla ni hku nna, Covid -19 kaw nna makawp maga la na ra taw ai; tsi tam lajang ai hta, hting nawt taw ai lam, ana kanu kap masha ni hpe tsi tsi lajang ya ai hta atsam dat shakut shaja ra ai lam, shara n kau ni hta myusha ginhka n ju n dawn ai lam ni a majaw majan shabyin ai hte mayak mahkak lam shabyin nga ma ai lam; ndai zawn byin nga ai lam a majaw mung shawa masha ni si htum ma wa shangun ai lam ni hpe dum hprang let, shada da yu lahkawn lamawn ai htung lailen hpe hkan ra ga ai; dai gaw gaw simsa lam de woi hkawm nga ai. shada n mu jahpai hpai ai lam, akyu n pru jahten sharun ai lam hte n ru n ra byin shangun ai lam ni hpe jahkoi kau ya lu ai ngu Wa Sarabyin hkaw tsun da ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-12/pope-francis-peace-day-message-2021-culture-care-social-doctrine.html