Covid - 19 Ana Zinli A Majaw Jawng Nlung Nna Nga Taw Ai Ramma Ni Hpe Makam Masham Lam Sharin Ya

Prang Hkudung Jau Ginwang Hta Covid-19 ana zinli a majaw jawng nlung nna mare hkan nga taw ai ramma ni hpe makam masham lam sharin ya ai dabang hpaw ya nga ai.

Dabang sa lung ai ramma ni yawng rai yang Mare kahtawng mali na ramma marai ( 31 ) re.

Sharin ya na lam ni gaw Kahtawlik Makam Masham A Lam,Kahtawlik Nawku Hpung a hkrang kumla ni a lachyum hte Asak hkrung hkawm sa ai aten hkyen lajang ra ai lam ni hpe madung sharin ya na lam chye lu ai.

Dabang hta sharin hkam la ngut nna wa mat ai hpang ramma ni hta ngam wa na hpe myit mada ai gaw tinang hkap la da ai makam masham hpe e galoi mung  kaning re ai mayak mang hkang lam ni nga wa ai raitim,kaning re ai magam bungli hta e shang galaw gun hpai sa wa ai ten hta rai tim makam masham lam hta lam woi ya na hpe shanhte myitdum nna jaw kaja ai hku hkawm sa lu na hpe myit mada ai lam dabang hpe lit la woi awn ya nga ai Sara John Jangma Naw La tsun  shapraw dan ai.

Shiga jaw ai - Ginwang Up Wa Jau Columban Labang Lar Di