Lashio Sasana, lit hkam Saradaw, Sagurem magam gun hpai na kahpa galai ap lai wa sai shiga!

Lashio Sasana, lit hkam Saradaw, Sagurem magam hpe Wa Saradaw Philip Lasap Zahawng kaw nna Wa Saradaw Lucas Jheimphauk Dau Ze (SDB) hpe Lashio Sasana, lit hkam Saradaw, Sagurem magam hpe 2020 ning,  June Shata 24, Bat Masum ya jahpawt 6:30am ten Lashio Yesu a Salum Ningsang Nawku Htingnu hta Chyoi Pra ai Sau Shaman ai Misa hkungga hte rau Ap ya lai wa sai lam Wa Jau John Lum Htun Awng tsun shana wa ai hku nna chye lu ai.

Ndai Misa hkungga hta e Lashio Sasana hta magam gun hpai nga ai Wa Jau ni,Sasana hta ap nawng nga ai Religious Wa Jau ni, Mama ni hte hpung myitsu kanu kawa nkau mi sa du shanglawm lai wa sai re. Lashio Sasana, lit hkam Saradaw, Sagurem Magam hpe gun hpai sa wa na, Wa Saradaw Lucas Jheimphauk Dau Ze (SDB) gaw lai wa sai January Shata 29 ya shani Saradaw aya kam la lai wa sai rai nna, ya hkring sa wa sai Wa Saradaw Philip Lasap Zahawng gaw 1998 ning  kaw nna Lashio Sasana, Lit hkam Saradaw, Sagurem magam hpe gun hpai lai wa sai rai nga ai.

#Churchnews