Covid -19 Hte Myu Ginhkra Ai Mang Hkang Hte Seng Nna Irish Saradaw Ni Zuphpawng Hta Bawng Ban Ai Lam Galaw

Chyam bra ana Coronavirus a majaw, Irish Saradaw zuphpawng hpe video conference ladat hte bawng ban lam galaw ma ai. Zuphawng hpaw hpang akyu hpyi hta Covid -19 a majaw nnga mat sai ni a wenyi matu akyu hpyi ap nawng ya ai. Makoi mayang ai lam hta masha masat da ai rai nna, makoi mayang lamang hta nlu lawm ai majaw myit n pyaw yawn hkyen ai ni a matu mung akyu hpyi ya ma ai. Covid -19 tsin-yam kawn makawp maga lam hta shang lawm ap nawng nga ai ni yawng hpe chyeju dum ai hte akyu hpyi ya nga ai lam mung tsun da ai. “Bungli nmai galaw ai mang hkang a majaw mung shawa masha ni gara de mung njau jau rai nga ai. Dai gaw anhte yawng a matu hkrit tsang hpa kaba rai nga ai ngu nna mung tsun da ma ai.

(Lockdown) shinggan nmai le pat da hkrum ai Jau ni a matu mung laklai sasana magam lam galaw na matu yak hkak nga ai. Online sasasa galaw na hte nawku dau jau lamang galaw na lam gaw shawoi na hta galaw lu ai ahkaw ahkang nga wa ai. Ma-un si majaw zawn sha tinang nga nga ai shara na hpung masha ni rau hpawng de ai hta makam masham hte seng ai daw jau lamang ni arau galaw chye wa ai lam ni mung nga nga ai.

Zuphpawng daw dan ai hta “jau ginwang shagu hta mung shawa hpawng de nna nawku daw jau magam arau galaw lu ai lam hpe shim lum ai masat shadang tawn da let galaw lu hkra “hkrang laika” hpe htuk shapraw da lu ma ai. Dai hta tsi jep sagawn ai lam hpe hkrak hkan galaw shatup na hpang wa na rai nna, aten shagu prat dep tsi hpaji ladat hte galaw sa wa na re lam tsun da nga ai.

Myusha garan ginhka ai mang hkang hte seng nna mung zuphpawng hta bawng bang ma ai. Shan hpraw shan chyang garan ginhka ai lam gaw American kaw bying taw ai mang hkang sha nrai nga ai. Amyu garan ginhka ai lam amyu myu nga chye ai; dan dawng ai hku mu lu ai hte n dan n dawn nga nga ai lam ni mung law law nga ai. Irish mungdan nga ai nawku hpung ni hta myusha myu hpan hkum ai rai nna, shanhte ni hta nbung ai laklai akyu chyeju ni nga nga ma ai; shanhte a alu atan hte garum pahtau mung law law nga nga ai. Raitim, maga mi hta shan hpraw shan chyang garan ginhka ai hte amyu garan ginhka ai hte seng nna sawk sawn ai lam ni mung naw nga nga ai.

Dai majaw Saradaw ni a zuphpawng hta ya na zawn Covid-19 tsin-yam hkrum aten hta ahkyak dik ai gaw “yawng gaw Karai Kasang a kasha ni hkrai re” ngu ai myit hte masha shagu a sari sadang hpe manu shadan makawp maga na matu shadum da nga ai.

12 June 2020, 15:43

Vatican News

Translated By Fr. Patrick Hkawng Yae

https://www.rvasia.org

Website - kachin.rvasia.org/

Social Media -facebook- RVA kachin, wechat, viber, Instagram, Twetter, youtube