Hkrung rawt sai madu gaw anhte a myit mada shara hte kabu awng sharawng lam re, nga nna, Cardinal Collins tsun dat ai shiga.

Toronto kaw na Cardinal Thomas Collins gaw 2020 shaning na Paska laban na mungga hta “anhte a hkyela madu hkrung rawt ai lam a marang e anhte a myit mada shara, anhte a kabu pyaw hpa, anhte a n gun atsam hte ndai mungkan ga na yak hkak jam jau lam ni hpe awng dang lu na re ngu myit mada ga ai kumla ni nga nga ai” nga nna tsun da nga ai.

Anhte nga nga ai ndai mungkan hta Lu sha gam ladaw na Yesu si hkam ai sa ra 14, grau nna dai ning na Covid – 19 mungdan shagu chyam bra nga ai a majaw machyi kaba hkrum ai hte yak hkak jam jau hkrum sha nga ai anhte ni hpe si hkrung si htan ngu ai lachyum hpe grau chyena na matu shadum, sadi jaw nga ai kumla rai nga ai nga nna tsun shadum da nga ai.

Ndai gaw mungkan hta kaja wa sha bying nga ai lam rai nga ai nga nna tsun da nga ai.

Anhte ni hpe shadum da nga ai gaw “anhte ni ndai mungkan hta hkrun lam hkawm nga yang anhte ni a masin salum gaw Yerusalem ngu ai sumsing mungdan na hpung shingkan hta bai hkrung rawt ai ngu ai hpe hkam la lu na ga ai re.” nga rai nga ai.

Dai majaw Cardinal Collins tsun da ai gaw “ bai hkrung rawt sai madu yesu gaw anhte a lam, anhte a myit mada shara, anhte a kabu gara lam, anhte prat a n gun re” nga nna tsun da nga ai shiga hpe paska chyeju hkam la, karai kasang a hpung shingkang dan hkrung u ga, yaw shada let vatican shiga dap kawn sha poi da nga ai.

Source : Vatican News

#churchnews

#rvakachinservice