Vatican hta Covid-19, Coronavirus Ana hte seng nna, tsi jep ai lam galaw lai wa sai shiga. ( 31 March, 2020 )

Vatican hta Covid-19, Coronavirus Ana hte seng nna, tsi jep ai lam galaw lai wa sai shiga.

Casa Santa Martha Htingnu wang kata shanu nga ai ni hta ndai ana zingli kap ai ni nnga ai nga nna ndau shagrin shana da sai. dai shara kaw nga ai ni yawng hpe tsi jep sawk shagawn ai lam galaw tim Wa Sarabyin rau shi hte ni htep htum ai magam gun ni kaw coronavirus ana kap ai lam nmu lu ai.

Vatican kata Casa Santa Htingnu kaw nga ai masha ni hta na Marai 1 Covid-19 ana zingli positive kap ai hpe jep sagawn mu lu ai. Hkam ja dap kawn lit la tsi jep lajang ai lam galaw ngut ai mahtai hpe (the Holy see Press Office) Wa Sarabyin rung shiga dap rung kaw na Director, Matteo Bruni kawn March 28, bat 6 ya shana daw shagrin ndau da nga ai.

Bruni tsun ai hta lai wa sai nhtoi nna shi ai ten ni hta hkam ja dap kaw na Coronavirus hte seng nna hkrak hkrak tsi jep sagawn ai lam ni galaw nga sai re.

Hkam ja dap kawn Covid-19 ana zingli kap ai masha mu jep ai majaw dai masha hpe Roma Mung shawa Tsi rung kaba de tsi lajang na matu shalai dat sai lam chye lu ai. Bai Casa Santa Marta htingnu wang kata kaw shanu nga let magam gun nga ai masha 170 hpe mung matut manoi tsi jep sagawn ai lam galaw ai hpang jahtum mahtai hta langai mung coronavirus ana positive kap ai masha nmu shi ai lam Bruni a shi laika hta ka da ai lam chye lu ai. Wa sarabyin hte shi hte ni htep ai hta magam gun ai ni langai mung dai ana kap ai lam nnga shi ai nga nna Vatican shiga dap kawn March 28 ya shani shana da nga ai hpe RVA Kachin Service Shiga dap kawn shalai ndau shana dat ga ai.

Shiga ; Vatican Source

Ka gale ai ; Fr. Patrick Hkawng Yae