KBC Ap Nawng Saranum Yan Roi Rip Sat Kau Hkrum Ai (5) Ning Hpring Lamang Galaw

KBC Ap nawng Saranum yan rai nga ai, Saranum Maran Lu Ra hte Saranum Tangbau Hkawn Nan Tsin yan Roi Rip Zingri Sat Hkrum ai (5) ning Ladu hkrum myit dum Akyu Hpyi Hpawng hpe, 2020, January 19 (Laban) ya shana maga de Hkying 1: 30 Pm ten Jaw Bum, Myikyina hta galaw lai wa ai.

Ndai KBC hpaji magam dap na ap nawng Saranum yan gaw lai wa sai 2015 ning January shata 19 ya shana Mung myit sinli ga, Kawng Hka Mare hpung wang kata,shan lahkawng nga ai nta hta zingri sat kau hkrum ai rai nna, ya dai ni (5) ning du tim teng man tara rap ra ai mahtai (တရားခံ) n pru shi ai re lam chye lu ai.

Hpawng lamang hta Saranum yan a nta masha ni hku nna sak se hkam ai lam, Yungwi shadang Ahba Di hte Hpung masha ni kawn mahkawn shakawn ai lam, akyu hpyi ai lamang hte Saranum yan roi rip sat kau hkrum ai mabyin hte seng ai sumla ni hpu mung akyu hpyi hpawng galaw ai Jaw Bum lagaw kaw madun tawn da ai lam chye lu ai.

Akyu hpyi hpawng hta KBC ningbaw Rev.Dr.Hkalam Samson hku nna teng man ai lam hta Amyu makam masham hpung n-gyin hka ai sha, myit hkrum let mahtai kaja lu hkra shakut na matu mungga htawn tsun lai wa sai.

" Anhte amyu sha ni yawng tengma ai lam hta myithkrum let sa na matu re ngu ngai gaw mu mada ai, teng man ai ngu gaw masha amyu bawsang n lata ai"

nga nna Sara kaba Rev.Dr.Hka Lam Sam tsun tsun lai wa ai.

Saranum yan roi rip sat hkrum ai (5) ning hpring lamang hpe KBC Ginwang shara shagu kaw galaw ai  rai nna, akyu hpyi hpawng de masha marai 1000 hku sa du lawm ai lam chye lu ai

Thomas