Synod Daw Dan Ga Shaka Tai Wa Na Matu Hkrumra Hpawng Hta Tang Madun Lam Galaw Ai

Synod daw dan matsun, ga shaka tai wa na hkyen lajang da ai myit hkrum lam ni hpe Oct 21 ya shani Wa Sarabyin a man hta galaw ai hpawng chyawm hkumra hpawng hta tang madun lam galaw lai wa ma ai. Amezon ginra makawp maga lam hte seng nna Vatican hta galaw nga ai Saradaw ni a laksan Synod zuphpawng kaba gaw October 27 ya, laban shani gin chyum dat na rai nga ai.

Synod Zuphpawng kaba laman bawngban lam ni kaw nna pru wa ai myit hkrum lam ni hpe shing gyin da ai, myit hkrum mahtai ni hpe October ( 21) ya jahpawt galaw ai hpawng chyawm hkrumra hpawng hta Cardinal Claudio Hummes kaw nna hti tang madun lam galaw lai wa ai. Ndai hpawng chyawm hkrumra hpawng hta Wa Sarabyin Francis mung du dung lawm ai the Synod shang lawm nga ai saradaw ni, datkasa ni yawng marai (184) du dung ma ai re nga ai. Sharai jahkum shazup la ra ai lam ni hpe Synod the seng ai amu madu ni kaw nna galaw rai nna, chye chyang kung kyang ai masha ni a garum la ai the Synod myit hkrum ga shaka hpe ka shatsawm la na rai nga ai.

Dai hpe October 25, bat manga ya jahpawt galaw na hpawng chyawm hkrumra hpawng hta yawng hpe hti shana ya ai lam galaw na, October 26 bat kyu ya jahpawt Synod shang lawm ai ni yawng kaw nna ‘Me’ bang shagrin daw dan lam galaw nna jahtum Synod ga shaka tai wa rai nga ai, nga nna Vatican shiga dap kaw nna shana dat nga ai.