Pranwan Ladaw ( XII ) Year B, 2024

Pranwan Ladaw ( XII ) Year B

( Karai Kasang a Mungga )

Tsawra ai nu wa hpu nau ni ndai laban gaw Shaning B Pranwan  Ladaw Laban ( XII )  rai nga ai..

Mabyin lam langai mi tsun dan mayu ai..moi kalang mi hta aja lung seng ni hpe htaw sa wa ai sang hpaw langai mi gaw Pasihpik pang lai hta e pru sa wa ai shaloi n myit mada ai sha n bung laru kaba hye hkrum katut ai..shaloi pang lai hka ni a gayat kaba hkrum ai a majaw sanghpaw mung gup maw maw rai wa ai shaloi dai hta jawn nang nga ai shawa masha ni gaw hkrit tsang nga ai...

Dai majaw shanhte yawng gaw hka hta waw ai baw palawng ni hpe atsawm sha hpun nna nga nga ai.dai ten hta ma langai gaw dai daram byin taw nga ai hpe lam chye taw nga ai hkrang n nga ai.dai .sha n ga dai sang hpaw ntsa e naw pi gin sup nna nga nga ai..shaloi masha kaba langai gaw ma nang nhkrit ai i? ya sanghpaw lup wa maw nga ai le  ngu nna marawn tsun dat ai shaloi dai ma gaw nhkrit ai lo..hpa majaw hkrit ra na mi ngai na Wa gaw sanghpaw hkamg ai wa she re mi ngu nna bai htan tsun dat ai...

Bai dai masha kaba wa mung na wa hpa mi rai nga rai nga myit nshang sha ai sanghpaw lim na n lim na nga nna ya na zawn gara hku na lu tsun ai... hpa na nga awa gaw shi sang hpaw hpe atsawm n lu zing hkang sai nga yang ngai hpe masha dat nna shaga shangun na rai nga ai...nga nna bai htan tsun lai wa ai..

Tsawra ai nu wa hpu nau ni kam sham ai lam n nga ai tsawra myit gaw jet ai tsawra myit n byin mai nga ai..tsawra myit hte kam sham ai lam gaw atsawm sha da tawn da ai sumpan hte bung nga ai. masha shada a lapran hta e kam hkat ai lam yawm wa sai nga yang matut hku kanawn mazum nna hkawm sa na lam nmai byin wa ai..madu wa hte madu jan a lapran hta mung kam hkat ai lam gaw grai ahkyak nga ai..myit masa n bung ai masa lahkawng nta kata langai hta hkying hkum 24 rau nga na ngu ai gaw yak ai..bungli galaw ra ai...hkyak hkyak re ai lam ni byin pru wa yang langai hte langai jin jin rai nga taw ya ai lam gaw shada da kam sham tsawra hkat nga ai a majaw rai nga ai.

Kanu kawa ni kawn tinang a kasha gara de sa ai gara de hkawm ai lam hpe ten tup hkan tsun hkan yu taw ai lam gaw nbyin ging nga ai..ma ni mung laika sharin jawng hta shing nrai shara ra hta mang hkang lama ma byin sai nga yang kanu kawa ni gaw sa nna garum la na hkye la na re ngu ai hpe kam da chya lu rai nga ai..tsun lai wa sai mabyin lam ni hte maren sha Kawa Karai Kasang mung shi a tsawra myit hpe shadan shadawng dan nga ai hta jam jau hkrum nga ai ten hta ngai karai kasang du sa wa na nga nna ga sadi n jaw da ai..raitim shi jaw da ai ga sadi gaw hpring sup nga ai..dai gaw Mtt 28: 20 hta.ngai nanhte hpe hkang da mada yawng hte hpe hkan shadik li mu ga..shanhte hpe sharin shaga ya mu dai hya kaga yu mu lamu ga aprat htum hkra ngai nanhte rau dinggrin anga nga na nngai law nga nna.. kasa ni hpe tsun da ai lam mu lu nga ai..

Tsawra ai nu wa hpu nau ni myi htoi Esaia hku nna tsun da ai lam gaw Esaia 49:15 hta

hkrun lam hkawm taw nga ra ai dinghta mungkan ndai hta e myi mada lam ni hte hpring tup rai nga ai zawn n myit mada da lam ni hte mung hpring tup rai nga ai..mahkang ngu ai hte hkrum sai nga yang anhte malawng maga gaw myit ru myit pu hkrit tsang ai lam ni hpe hkrum katut ga ai re..bai anhte gaw ya na zawn jam jau yak hkak ai lam ni hte hkrum wa ai ten myit daw nna dai hku sha nga chye mat ai..dai zawn myit daw nna hpa n galaw ai sha nga nga ai ten Karai Kasang ngu ai gaw n nga ai..majoi tsun taw ai ni she re nga nna myit shut mang shut ai lam ni shang wa chye nga ai..yawm htum Karai kasang kawn kabai da hkrum ai ngu nna e hkam sha wa shangun ai.rai nga ai..

daini na kabu gara shiga hta sanghpaw hpe nbung laru kaba wa nna palai hka hte kayak adawt ai hpe hkrum katut nga ai ten Madu a kasa kaba ni gaw yup pyaw taw nga ai madu yesu ahprun sharawt nna madu e nang anhte hpe hka hta lup si shangun na hkyen nga nni nga nna tsun lai wa ai ten madu yesu rawt nna palai hkaleng hpe shi a hpung dagu hte shazim lai wa ai..rai nga ai...

Tsawra ai nu wa hpu nau ni kaja wa yawn hpa lam gaw Madu yesu anhte a prat hta e n nga ai a majaw n rai nga ai...anhte a prat hta e madu yesu gaw  shanu shingbyi nga ai re.yawn hpa lam ngu ai gaw anhte hte rau nga taw ai madu yesu hpe shingdu da ai lam mahtang rai nga ai..manghkang gaw anhte hpa galaw ra na n chye ai lam n rai nga ai..manghkang gaw karai kasang anhte hpe sharawng awng nna galaw shangun mayu ai hte maren anhte gaw shagrit shanem ai myit hte n hkan galaw ai lam madaw rai nga ai..malawng maga anhte shinggyim mahsa ni gaw karai kasang a myit sharawng awng ai lam hpe hkan galaw ai htan tinang a myit hpe shawng shara jaw ai.. madu gaw shi a sharawng awng ai myit hpe mahtang tawn kau nna anhte a ra sharawng ai myit hpe mahtang langai pi n nga hkra hkan shatup ya mayu nga ai..akyu hpyi ai ten hta nang madu myit ra ai hte maren byin wa u ga ngu nna kyu hpyi ra na malai madu a yaw shada ai lam mahtang galai shai mat u ga ngai kasha a myit sharaw awng ai lam ni mahtang hpring sup wa u ga nga nna kyu hpyi mayu nga ga ai re. karai kasang a hkrang nsam hpe n la nna e karai kasang hpe mahtang anhte hkrang hku galaw shangun mayu chye nga ai...

Tsawra ai nu wa hpu nau ni ndai bat na kabu gara shiga hpe sawn sumru yu ga nga yang shawng nnan e sang hpaw ngu ai lam hpe shawng sawn sumru ga daini ten e  kanu nawku hpung hpe hkali sanghpaw ni hte shingdaw nna tsun chye nga ga ai re..lk 5: 3 hta simun a li hta shang njtawm hkin gau hye loi mi jahka na shi hpe hpyi wu ai rai nna dai li hta dung let dai kaw na shawa masha ni hpe sharin shaga mu ai..nga nna ka da ai..

kasa petru a li kaba rai nga ai kanu nawku hpung hta nga nna mungkan jut shara shagu de madu a kabu gara shiga hpe hkaw tsun lai wa ai.dai .nawku hpung hpe jaw lai wa ai lit kaba gaw mungkan pang lai ngu ai hta tinang langai hkrai sha lai di na matu nre ai sha shinggyim masha yawng hte rau sumsing mungdan ngu hka gin gau de du hkra gau shap ra ai lit nan rai nga ai..

prat a mawru hte hkrum katut wa ai ten hkrit tsang lam n nga na matu Madu yesu anhte hpe ga sadi jaw da nga ai..mtt 28:20 yu mu mu gkan ga aprat htum hkra ngai nanhte rau dingrin anga nga na nngai...ngu nna tsun da ai lam hpe mu lu ai..

Tsaara ai nu wa hpu nau ni lahkawng hku nna Mk 4:38 hta shi chyawm gaw li mai de punghkum ntsa e yup pyaw nga ai..

ndai lam hpe myit yu ga nga yang karai hkrang hte shinggyim  hkrang hpan lahkawng yan rawng nga ai madu hkristu hpe shinggyim masha langai hku nna yu dat ga nga yang mare langai hte langai kahtawng langai hpang langai hkaw tsun kawan hkawm lai wa ai majaw ..madu hkristu gaw sanghpaw li nnan rawt pru wa ai ten kaw na pu ba ai a majaw li ntsa hta yup hkring sa la nna hkan nang nga ai hpe mu lu ai..madu karai kasang pi hkring sa ra ai zawn anhte shinggyim masha ni mung hkring sa ai ten hta atsawm sa hkring sa la ra nga ai hpe mungga jaw shadum ya ai lam rai nga ai..

Nu wa hpu nau ni anhte a prat hta kalang marang prat a mawru hte yeng seng ra ai ten hta e karai kasang a shingdu da she hkrum ai zawn zawn karai kasang mahtang she yup pyaw taw nga ai zawn tinang a kyu hpyi jahtau nsen hpe n kam na ya mat ai zawn zawn anhte ni hkam sha chye nga ga ai re...ndai zawn nga wa ai ten hta madu yesu a tsun ai ga hpe bai myit dum la nga ga..Mk 4:40 hta shaloi shi gaw nanhte hpa majaw hkrit nga mi ta? nanhte kamsham ai myit garai nrawng myit ni? ngu nna kasa ni tsun lai wa ai..

nu wa hpu nau ni e prat a mawru hte hkrum ai ten madu kawn lai na laga de n sa mat ga.. shingdu da ai lam n galaw kau ga..shi hpang de mahtang sadi dung ai hte grau nna nihtep wa  hkra shakut magang rai nga ga..anhte a prat hta hkrum kutut chye nga ai yak hkak jam jau lam ni hpe bung ai made chyawm dat ga nga yang hpan masum sha mu lu nga ai..langai hta gaw myit yawn hpa lam mawru rai nga ai...ndai myit yawn hpa lam anhte a prat hta bung hkrum nga ai ten madu yesu kaw shanu shingbyi nga yang jet ai simsa lam hpe shi jaw ya na rai nga ai.

lahkawng hta gaw prat a yak hkak jam jau lam  rai nga ai..ndai zawn nbung bung hkrum wa ai ten madu yesu kawn simsa lam hpe jaw ya ai..kalang lang hpa di hpa galaw ra na n chye ai ten nga chye nga ai..ndai zawn ten ni hta madu yesu hpang de bai wa nna kam sham shanu shingbyi let akyu hpyi u... hpa galaw ra na... gara de sa ra na.. hpa hpe lata ra nga ngu ai hpe asan sha chye wa na ra ai..manghkang gaw hpa galaw n chye ai lam n rai nga ai..manghkang madung gaw anhte kawn shagrit shanem nna  madu yesu a lam matsun madun ai hpe hkam la mayu ai lam n ngai mahtang rai nga ai..madu a sharawng awng ai lam hpe hkan nna shi a myit ra hte maren hkawm sa ai gaw simsa lam de du hkra matsun madun ya ai lam madaw rai nga ai..

masum hta gaw myit ningtsang ai lam ngu ai  mawru rai nga ai..simsa lam a hpyen madung ngu na gaw myit tsang chye ai lam rai nga ai..anhte a prat a myit ningtsang ai.lam gaw.. hpa mung garai n chye shi ai shawng lam a matu myit tsang myit pu ai..tinang tsawra hku hkau ai masha a matu myit tsang ya ai lam ni rai nga ai.. myit tsang ai lam kata e madu yesu kawn simsa lam hpe jaw ya nga ai..tsawra ai nu wa hpu nau ni madu yesu hta sha. jet ai simsa lam hkam la lu myit ga.. yawng hpe kyu hpyi ya dat nngai.

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw ndai laban gaw b shaning a pran wan ladaw. ..shilahkawng ... rai nga ai hti ang ai ja chyum mungga ni gaw chyum mungga daw langai ..Langai ngu na..yawba laika 38:1, 8-11 .chyum mungga daw lahkawng kawrintu hpung masha ni hpang de san paulu shagun dat ai laika langai  5: 14-17 kabu gara shiga Marku 4: 35-41

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law