Pranwan Ladaw ( XII ) A, 2023

Mathe 10: 28 hta hkum tsawp hpe sha sat kau nna wenyi hpe n sat kau lu ai ni hpe hkum hkrit mu.. Wenyi hte hpawn hkum tsawp hpe Ngarai mung hta e jahten kau lu ai wa hpe grau hkrit nga mu. .nga nna e tsun da nga ai.

 

 Hkristu hta tsawra hkung ga ai nu wa hpu nau ni ndai laban gaw Pranwan Ladaw ( XII ) ngu na laban rai nga ai. . Hkum tsawp hpe sha, sat kau nna, myit masin hpe n sat kau lu ai ni hpe hkum hkrit mu ngu ai ga hpe Madu Yesu gaw shi a Kasa kaba ni hte nawku hpung masha ni hta du pru wa na jam jau yak hkak lam ni hte zingri zingrat lam ni hpe tau nau nna hkaw tsun da ai lam rai nga ai . .

 

Ndai lam hte seng nna, lang law law tau nau hkaw tsun da ai lam ni gaw zingri zingrat lam ni du pru wa ai shaloi shi a Kasa ni gaw hkrum wa na yak hkak jam jau lam ni hpe myit ndaw n hten ai hte sha hkam sharang nna madu a mying ningsang hte e gwi gwi hkam sharang nna Madu ga sadi jaw sai sumsing sut gan ngu ai hpe sharawng awng ai myit the, myit mada lam nga nga na hpe tsun mayu ai rai nga ai. . Ndai laban hta nawku hpung gaw hpa majaw zingri zingrat hkrum katut ra ai ngu nna tsun ai ndai gabaw hpe rau sha myit sumru yu nga ga. ..

 

Tertulian ngu ai laika ka ai sara kaba tsun ai hta tengman tara lam a matu si hkam mat sai ni a sai gaw hkristan hpung masha ni a matu nli tum rai nga ai. ..nga nna tsun da nga ai. . Madu Yesu gawde da ai mungdan gaw ndai mungkan hte n seng ai sha htani htana mungdan nan rai nga ai nga nna sharin achyin ya nga ai tara lam ni mung mungkan a laikyang sharin shaga lam ni hte ninghtan shai nga ai majaw mungkan a hkawhkam ngu na Nat tsa dan gaw hkrat sum ai hte shinggan de gawt shapraw kau ai hpe hkrum katut na hkyen ai aten gaw ni magang wa sai majaw Madu Yesu hte Nawku Hpung gaw shamyit shamat kau na matu shakut shaja nga ai. ..

 

Hpung masha nre ai ni hte gawk ngu sumla hpe nawku nga ai ni gaw hkristan hpung masha ni hpe mungdan hpe nju ai ni mungdan masha ni a hpyen ni nga nna tsun dai mungdan hpe mala dang kau ra ai nga nna hkap la da nga ai majaw dai masha ni gaw masha ni a mai kaja lam hpe tam mayu ai hku nna hkristan hpe hkan sat ma ai. .nat hpe hkungga nawng jau ai ni nat jaw sara kaba ni gaw hkristan htung jasat nnan gaw yesu hkristu sha sadi grin nga nna shi a ga hpe sha madat mara ra na nga nna sharin achyin ya ai lam ji woi masa lam hpe adawt shamyit.

 

 Lam ni rai nga ai. . Ndai lam amyu myu a majaw nawku hpung gaw nnan hpang wa ai kaw na ya du hkra shara shagu hte myu sha shagu hta hkristan ni gaw zingri zingrat lam amyu myu ni hpe hkrum let nga ra ga ai. .madu yesu gaw shi a kasa ni hpe hkang da ai hta yawhan a laika 15:20 hta e mayam gaw madu hta grau kaba ai nrai. .ngu ai ga hpe myit dum nga mu ngai hpe pi zingri zingrat ma ai rai yang gaw nanhte hpe mung zingri zingrat na mara ai ngu nna tsun da nga ai. .. mahkrum madup hku nna madu a ga ni gade daram jaw teng nga ai ngu ai lam hpe kasa paulu gaw chye lai wa ai. Dai gaw mathe 10: 22 hta nye a amying majaw masha nlang hte gaw nanhte hpe ndawng n wawm na myit dai ngu nna hkristan prat hta hkrum sha na re hpe tsun da nga ai. ..timoti hpung masha ni hpang san paulu shagun dat ai laika lahkawng 3:12 hta gaja wa Hkristu Yesu hta tara hkungga ai lam hkan nang mayu ai ni nlang hte gaw zingri zingrat ai hkrum lu na mara ai. .nnga nna sadi jaw da nga ai. .raitim mathe 10:22 hta e htum hkra shakut sharang ai wa gaw hkyehkrang la hkrum na mara ai. .ngu nna mung tsun n-gun jaw da nga ai re. Nu wa hpu nau ni e Anhte a matu kaba dik hkrat sum lam gaw wenyi hkrat sum ai lam hte anhte a wenyi hpe Ngarai de hkrat jasum kau ai lam rai nga ai. .

 

Madu Yesu gaw hkye hkrang la ai lam a kabu gara shiga hpe hkaw tsun ai shaloi shi hpe nyet kau ai ni ninghkap kau ai masha ni law law hte mung hkrum katut lai wa sai rai nga ai. .dai hta e hpung woi ningbaw ni kawn hkawt madu hpe hkye la madu mesiah ..Karai Kasang a kasha re ai lam hpe n lu hkap la lai wa ma ai re. .bai nna e madu yesu hpe beelzebub a atsam hte nat gawt shapraw ai wa nga nna mung shadu lai wa ma ai. .dai zawn myit ja ai masha ni hpe madu gaw atsawm hkrak rai sadi jaw lai wa ai. .dai majaw Mahte 10: 32 hta kadai raitimung masha ni a man e ngai hpe yin la ai wa hpe sumsing lamu e nga ai nye Wa a man e dai wa hpe ngai yin la na we ai. .masha a shawng hta ngai hpe nyet ai wa chyawm gaw ngai mung sumsing mungdan e hta ning ngai nga ai Wa a man e nyet kau na re nga nna tsun da nga ai. .madu a nyet kau ai hpe hkrum sa i nga yang anhte a wenyi gaw htani htana ngarai hta hkrat sum mat na re. .dai majaw anhte wenyi n hkrat sum mat u ga madu yesu hpe kam sham nna mara ni hpe koi gam let sadi sahka hkawm sa nga ga. .

 

Nawku hpung gaw matut nna mung zingri zingrat lam byin hkrum nga na sha re .hpa majaw byin ra a ta zingri zingrat lam gaw kaja ai hte n kaja lam.. tsawra ai hte n ju n dawng lam.. Karai Kasang hte nat tsa dan ni a lapran na byin pru wa ai mang hkang rai nga ai. .dai sha n-ga zingri zingrat lam gaw tinang a hkum sai rai nga ai kashu kasha ni kam sham ai hpung masha ni ma ni hpye

 

ni Karai Kasang hte tsan gang nga ai masha ni hte Karai Kasang hte grai rai ni htep ai hku nna nga nga ai ngu nna hkam la da sai ni. .yu maya masha ni ndai ni kaw na byin ai rai nga ai. .dai hku byin tim hkrap nna yawn nga na malai zingri zingrat lam a majaw kabu na matu daini e madu yesu gaw saw shaga nga ai. .madung gaw anhte zingri zingrat lam hkrum wa ai ten teng man ai lam hta nga nga ai ngu ai a sak se lam rai nga ai.

 

Anhte hkristan hpung masha ni gaw sim sa ai ten hta mi rai rai zingri zingrat hkrum ai ten hta mi rai rai madu a matu sak se hkam ra ai. .hkristan prat ngu ai hta zingri zingrat hkrum na re ngu nna myit mada da ra ai. Madu hkum nan mung anhte a matu ra kadawn nga ai n-gun atsam ni hpe jaw ya let galoi mung makawp maga ya nga ai re. . Hpa majaw ta Mahte 5:12 dai zawn hkrum katut wa ai ten kabu nna pyaw pyaw rai nga mu kaning rai nme law sumsing lamu hta e nanhte a shabrai kaba nga malit dai nanhte a shawng na myihtoi ni hpe mung shanhte dai hte maren zingri zingrat di kau manu ai. .nga nna tsun da ai hpe mu lu nga ai. .

 

Anhte hkristan hpung masha ni gaw Yesu Hkristu a matu sak se hkam ai hku nna zingri zingrat lam hkum katut lu na sha re. raitim hpa hkrit shara nnga ai zawn myit daw mung n ra ai. .Madu yesu tsun ai mathe a laika 19: 28 hte 31 hta lahkawng nan tsun n-gun jaw da ai Hkum Hkrit mu ngu nna mu lu ai. .dai zawn tsun ai lam gaw asan sha rai shangun ai. Ga shaka dingsa hta Karai Kasang gaw Myihtoi Yeremia a makau hta nga ai zawn sha anhte a makau hta anhte hte rau galoi mung nga nga ai. Yeremia 20:11 hta karai kasang gum shem ai share wa zawn ngai hpang maga e rai nga ai. .ngu nna mu lu nga ai. .anhreva hpyen ni htan grai grau ai hte atsam kaba nna sgarawng awng ai lam nnga yang lata layung langai pi shamu lu na nrai nga ai. .anhte hpe kaning re ai zingri zingrat ai wa hku na shoihpa n lu jaw nga ai. .mahkoi jaw ai hkrum wa ai nga ti pi Mahte 10: 28 hta na la sai hte maren hkum tsawp hpe sha sat ksu nna myit masin hpe n sat kau lu ai ni hpe hkum hkrit mu.. myit masin hte hpawn hkim tsawp hpe ngarai mung hta e jahten kau lu ai wa hpe grau hkrit nga mu. .nga nna e tsun da ai hpe dum nga ga. .

 

 Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai. Madu yesu gaw shagrit shanem ai lam hpe sharin ya nna hkan nang hkan sa ra ai lam hpe tsun da nga ai. .. Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pran wan ladaw hta shilahkawng ngu na lanban rai nga ai

 

Hti ang ai Ja Chyum Mungga ni gaw -

 

Chyum Mungga Daw ( I ) Yeremia 20:10-13

Chyum Mungga Daw ( II ) Roma 5:12-15

Kabu Gara Shiga - Mahte 10: 26-33

 

ndai jachyum mungga ni hpe hti nna myit sumru yu let hpawt ni na nawku

 

Dawjau lamang ni hpe woi awn nga ga law

 

 

Add new comment

6 + 10 =